Міжнародны фестываль праваслаўнай моладзі пройдзе ў Беларусі

Беларуская Праваслаўная Царква

15.07.2010 15:33

З 17 па 25 ліпеня 2010 г. па благаслаўленні Мітрапаліта Мінскага і Слуцкага Філарэта, Патрыяршага Экзарха ўсяе Беларусі, адбудзецца VIII Міжнародны фестываль праваслаўнай моладзевай культуры «Браты». Фестываль будзе праходзіць у палатачным гарадку, непадалёк ад Сілічаў. Чакаецца ўдзел маладых людзей з Беларусі, Расіі, Украіны, Сербіі. У праграму фестывалю ўвойдуць малітва, канцэрты, лекцыі, гутаркі і сустрэчы з праваслаўнымі багасловамі, спартыўныя спаборніцтвы і інш. Член працоўнай групы арганізацыйнага камітэта фестывалю Мікалай Кабылінскі адзначае, што «задума фестывалю простая і адначасова ўзнёслая: паказаць жывы прыклад таго, як вернасць евангельскім прынцыпам робіць маладых людзей сапраўднымі братамі і сёстрамі, нягледзячы на межы і этнічныя адрозненні».