Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Арцыбіскуп Гуджэроцці наведаў грэка-каталіцкі храм у Віцебску
Беларусь - Віцебская дыяцэзія
05.04.2012 15:00

4 красавіка 2012 г. у межах візіту ў Віцебскую дыяцэзію Апостальскі нунцый у Беларусі арцыбіскуп Клаўдыё Гуджэроцці па запрашэнні Апостальскага Візітатара для грэка-католікаў у нашай краіне архімандрыта Сяргея Гаека наведаў храм Уваскрасення Хрыстовага Грэка-каталіцкай Царквы ў Віцебску.

У сустрэчы нунцыя з віцебскімі грэка-католікамі прыняў удзел Упаўнаважаны па справах рэлігій і нацыянальнасцяў Віцебскага аблвыканкама Сяргей Фадзеенкаў, грэка-каталіцкія святары і семінарысты.

Падчас візіту арцыбіскуп Гуджэроцці адзначыў, што бачыць моладзь, якая жадае служыць Пану і Яго Касцёлу. «Грэка-каталіцкай Царкве патрэбны людзі, якія былі б сталымі ў сваёй прысутнасці ў храме. Дзякуй Богу, такая практыка ўжо ёсць, і яе нельга згубіць», — падкрэсліў іерарх і дадаў, што трэба клапаціцца аб тым, каб вернікі ўдзельнічалі ў сакрамэнтах, чулі Божае слова і прымалі актыўны ўдзел у жыцці і развіцці Касцёла.

«Паўсюдны Касцёл ганарыцца вернасцю Касцёла на Усходзе», — адзначыў іерарх напрыканцы візіту і заахвоціў грэка-каталіцкіх вернікаў надалей захоўваць свае традыцыі.

Дадзены візіт арцыбіскупа Гуджэроцці ў Віцебск быў ужо другім. Упершыню прадстаўнік Папы пабываў там 15 снежня 2011 г., калі наведаў парафію Найсвяцейшага Сэрца Езуса ў Наваполацку ў дзень духоўных сустрэч святароў і кансэкраваных асобаў.

Кс. Юрый Марціновіч

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў