Святы Айцец мяняе месца летняга адпачынку

Святы Айцец

19.02.2010 13:22

Cёлетні адпачынак Святы Айцец Бэнэдыкт XVI правядзе не ў Ле-Комб, як у мінулым годзе. Пра гэта паведамляе штотыднёвік «Il Corriere della Valle», не называючы, аднак, дакладнага месца адпачынку Пантыфіка ў гэтым годзе. Ватыкан у сваю чаргу падзякаваў айцам-салезіянам за мінулагодні гасцінны адпачынак у Аосце. Тут Папа таксама часткова праводзіў свой адпачынак у 2005 г. і 2006 г. На пачатку лютага газета «Alto Adige» паінфармавала, што, верагодней за ўсё, сёлетні адпачынак Патыфік правядзе ў Вышэйшай духоўнай семінарыі ў Брэссанон (нямяцкамоўная правінцыя Бальцано, паўночная Італія). Плануецца, што афіцыйны камунікат адносна гэтай справы будзе апублікаваны напрыканцы сакавіка. Папскі адпачынак пачынаецца звычайна ў другой палове ліпеня. Паводле матэрыялаў «Alto Adige», апошняя перад адпачынкам агульная аўдыенцыя Святога Айца адбудзецца 7 ліпеня, а наступная ў Кастэль Гандольфа 4 жніўня.