Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа Францішак атрымаў Біблію з мігранцкага судна
Святы Айцец
09.06.2017 10:18
Сярод мігрантаў, якія прыбываюць на італьянскі востраў Лампедуза, вельмі запатабраванымі з’яўляюцца не толькі рэчы першай неабходнасці, але таксама і Святое Пісанне.

Паводле турынскага «Цэнтра даслеванняў новых рэлігій» (Сensur), большасць з гэтых людзей — хрысціяне, паведамляе ватыканская L’Osseravtore Romano.

«Як вядома, наш востраў здаўна з’яўляецца скрыжаваннем міграцыі народаў, і асабліва на працягу апошніх гадоў ён стаў прытулкам для многіх нашых братоў, якія ўцякаюць ад войнаў, пераследу і голаду. Сярод гэтых мігрантаў многія — хрысціяне. У ліку іх галоўных запытаў, акрамя рэчаў першай неабходнасці, таксама Святое Пісанне», — распавёў кс. Кармэла Ла Магра, пробашч мясцовай каталіцкай парафіі.

Святар звярнуўся з заклікам дапамагчы забяспечыць Бібліямі мігрантаў, якія прыбываюць на Лампедузу. Паводле яго, гэтыя людзі патрабуюць не толькі ежы і дапамогі, але і маюць голад Божага слова і братэрства. На просьбу адгукнуліся многія італьянскія каталіцкія дыяцэзіі, пратэстанскія супольнасці і біблійныя таварыствы, якія даставілі на востраў каля 1700 асобнікаў Святога Пісання на англійскай і французскай мовах.

Яшчэ напрыканцы красавіка 2016 г. папа Францішак атрымаў у дар кнігу «Новага Запавету і Псальмаў» на англійскай мове, якая была знойдзена на дне мігранцкай лодкі. Святы Айцец быў вельмі ўзрушаны гэтым фактам. Біблія была ў добрым стане. Яе ўладальнік падкрэсліваў некаторыя фрагменты, у прыватнасці словы з Псальма 55 — споведзь чалавека, які пакутуе ад пераследу.

(be.radiovaticana.va/cath)

 

Пры выкарыстанні матэрыялаў сайта спасылка на Catholic.By абавязкова.
  • 22.10.2017
  • 21.10.2017
  • 20.10.2017
  • 19.10.2017
  • 18.10.2017