Папу Бэнэдыкта XVI, які адпачывае ў сваіх апартаментах перад тэлевізарам, п’е любімую апельсінавую «Фанту» ці грае Шуберта на фартапіяна, можна ўбачыць у новым дакументальным фільме «Secret Access: The Vatican», знятым для амерыканскага канала History Channel.

Стужка змяшчае здымкі Святога Айца ў неафіцыйных абставінах. Імі з’яўляюцца рэдкія хвіліны ігры на фартапіяна і прагляду навін па тэлебачанні. У фільме можна ўбачыць, як Пантыфік цэлебруе штодня святую Імшу ў сем гадзін раніцы, як моліцца перад абедам, на які звычайна запрашае некалькі асоб. Стужка дэманструе гледачам ватыканскія катакомбы і архіў.