Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
Каментарыі да літургіі і малітва вернікаў
26.06.2017 15:15

Чытанні >>>

Каментарый да літургіі

Нядзельная cвятая Імша — гэта асаблівы момант спаткання з Богам. Ён першы нас кліча, але ад нас залежыць, ці адбудзецца гэтае спатканне. Сам вялікі Бог хоча карміць нас сваім Словам і Целам, і гэтаму зайздросцяць нават анёлы ў небе. Ці ўсведамляем мы веліч свайго хрысціянскага паклікання? Можа, для нас гэта проста традыцыя?

«Хто страціў жыццё сваё дзеля Мяне, знойдзе яго», — кажа Хрыстус. Прыходзім на нядзельную святую Імшу, таму што хочам знайсці сапраўднае жыццё, поўнае сэнсу! Няхай Міласэрны Айцец узмацняе нашую веру, каб мы не марнавалі каштоўныя дары нашага Пана.

Каментарый да літургіі слова

Сёння ў літургіі слова Езус кажа сваім Апосталам: «Хто любіць бацьку ці маці больш, чым Мяне, не варты Мяне. І хто любіць сына ці дачку больш, чым Мяне, не варты Мяне. I хто не бярэ крыжа свайго і не ідзе за Мною, той не варты Мяне».

У гэтых словах гучыць канкрэтнае пытанне: ці вартыя мы Хрыста? Каго ці што мы любім у жыцці больш? Ці на першым месцы Хрыстус?

Але нават калі роспач ці смутак напаўняе нашае сэрца з-за нашых грахоў ці слабасцяў, мы не павінны паддавацца, бо міласэрнасць Бога большая! Ён ведае нашыя слабасці і смутак, Ён аддаў за нас сваё жыццё! Няхай Дух Святы кіруе намі, каб у сваім жыцці мы прыносілі большую Божую хвалу!

Малітва вернікаў

Даверым усемагутнаму Богу ў малітве патрэбы нашы і ўсяго свету.

  1. Молімся за Святога Айца Францішка, каб яго навучанне і прыклад жыцця былі знакам Божай любові да кожнага чалавека. Цябе просім...
  2. Молімся за Святы Касцёл, каб сярод заганаў гэтага свету быў светачам праўды і міласэрнасці. Цябе просім...
  3. Молімся за тых, хто кіруе нашай краінай, аб мудрасці і любові ў выкананні сваіх абавязкаў. Цябе просім...
  4. Молімся за дзяцей і моладзь, каб, умацаваныя добрым прыкладам старэйшых, былі заўсёды верныя Хрысту. Цябе просім...
  5. Молімся за тых, хто цяпер знаходзіцца ў адпачынку, каб гэты час яшчэ больш наблізіў іх да Хрыста. Цябе просім...
  6. Молімся за нас, каб у сваім штодзённым жыцці ўсцяж адчувалі прысутнасць жывога Бога. Цябе просім...

Божа, Ты аказваеш нам сваю любоў, выслухай нашыя малітвы і ўчыні, каб нашае жыццё было згоднае з вызнаванай верай. Праз Хрыста, нашага Пана. Амэн.

Падрыхтавала с. Таццяна Гмыза SJE

Адноўлена 19.06.2017 15:19
 

Пры выкарыстанні матэрыялаў сайта спасылка на Catholic.By абавязкова.

Каментарыі да літургіі і малітва вернікаў

07.07 11:36Каментарый да літургіі і малітва вернікаў на ХIV Звычайную нядзелю, Год А (9 ліпеня)
26.06 15:15Каментарый да літургіі і малітва вернікаў на ХIІІ Звычайную нядзелю, Год А (2 ліпеня)
21.06 14:34Каментарый да літургіі і малітва вернікаў на XII Звычайную нядзелю, Год А (25 чэрвеня)
16.06 13:13Каментарый да літургіі і малітва вернікаў на ХI Звычайную нядзелю, Год А (18 чэрвеня)
09.06 16:00Каментарый да літургіі і малітва вернікаў на Урачыстасць Найсвяцейшай Тройцы, Год А (11 чэрвеня)
29.05 10:46Каментарый на нядзелю Спаслання Духа Святога (4 чэрвеня)
22.05 10:23Каментарый на VII Велікодную нядзелю, Год А (28 мая)
17.05 12:02Каментарый да літургіі і малітва вернікаў на VI Велікодную нядзелю, Год А (21 мая)
09.05 11:35Каментарый да літургіі і малітва вернікаў на V Велікодную нядзелю, Год А (14 мая)
05.05 12:24Каментарый да літургіі і малітва вернікаў на IV Велікодную нядзелю, Год А (7 мая)