У Віцебску прайшло адвэнтавае чуванне з біскупам Блінам |
Беларусь - Віцебская дыяцэзія |
12.12.2011 11:29 |
У нядзелю 11 снежня 2011 г. у парафіі Св. Антонія Падуанскага ў Віцебску адбылося адвэнтавае чуванне з удзелам біскупа Віцебскага Уладзіслава Бліна. Трэцюю нядзелю Адвэнту называюць радаснай. І гэтая радасць асаблівым чынам напоўніла сэрцы тых вернікаў парафіі, якія падчас святой Імшы прынялі сакрамэнт канфірмацыі. Біскуп Блін адзначыў, што гэты сакрамэнт дае сілу для барацьбы са злом, і заахвоціў кандыдатаў, каб яны сваёю жывою вераю сведчылі аб Валадарстве Хрыста на зямлі. Святую Імшу разам з біскупам канцэлебраваў пробашч парафіі кс. Алег Буткевіч. У гаміліі біскуп заклікаў усіх звярнуцца да прыкладу Марыі, а гэта значыць быць больш маўклівымі і маліцца. «Ці мы сапраўды ўмеем маўчаць, асабліва жанчыны? Ці падчас Адвэнту мы больш молімся? Мы павінны памятаць, што мы часова на гэтай зямлі», — адзначыў іерарх. Вольга Шыдлоўская |
Фотарэпартаж |