Святы Айцец Бэнэдыкт XVI разважае над тым, каб у бліжэйшыя дні апублікаваць дакумент, які ўнясе дапаўненні ў Апостальскую канстытуцыю аб канклавах. Аб гэтым паведаміў кіраўнік Прэс-службы Апостальскай Сталіцы кс. Фэдэрыка Ламбардзі падчас сустрэчы з журналістамі 20 лютага.

Як інфармуе Ватыканскае радыё, святар адзначыў, што, магчыма, такі дакумент з’явіцца ў форме «Motu proprio». Яшчэ невядома, ці палічыць Папа неабходным закрануць пытанні, якія датычаць тэрмінаў пачатку канклаву. Па словах кс. Ламбардзі, гаворка можа ісці пра ўдакладненні, якія будуць унесены з мэтай стварэння поўнай адпаведнасці паміж Апостальскай канстытуцыяй «Universi Dominici gregis» і іншым дакументам аб канклавах пад назвай «Ordo Rituum Conclavis».

(AG)