25 лютага быў апублікаваны Апостальскі ліст Бэнэдыкта XVI у форме «motu proprio» адносна некаторых зменаў у парадку выбараў Папы. У дакуменце Святы Айцец патлумачыў, што гэтыя змены неабходны для таго, каб «гарантаваць як мага лепшае здзяйсненне (...) абрання Рымскага Пантыфіка».

18 лютага Святы Айцец Бэнэдыкт ХVI зацвердзіў некаторыя змены ў «Ordo rituum pro ministerii Petrini initio Romae Episcopi» — рытуале, які змяшчае парадак цэлебрацый на пачатак служэння новаабраных Пантыфікаў.

Святы Айцец Бэнэдыкт XVI разважае над тым, каб у бліжэйшыя дні апублікаваць дакумент, які ўнясе дапаўненні ў Апостальскую канстытуцыю аб канклавах. Аб гэтым паведаміў кіраўнік Прэс-службы Апостальскай Сталіцы кс. Фэдэрыка Ламбардзі падчас сустрэчы з журналістамі 20 лютага.

Святы Айцец Бэнэдыкт XVI зацвердзіў дэкрэт аб прызнанні гераічнасці цнотаў папы Паўла VI. Дакумент быў падпісаны Пантыфікам 20 снежня разам з іншымі 23 дэкрэтамі, падрыхтаванымі Кангрэгацыяй па справах Кананізацыі.

Абавязкам біскупаў у сферы дабрачыннай дзейнасці Касцёла прысвяціў новы дакумент папа Бэнэдыкт XVI. Ён апублікаваны 1 снежня ў форме «motu propriо» пад назвай «Intima Ecclesia natura» — «Унутраная натура Касцёла».

Перад Вялікаднем 2013 года Святы Айцец Бэнэдыкт ХVI выдасць сваю чарговую энцыкліку, прысвечаную хрысціянскай веры. Аб гэтым паведаміў амерыканскаму парталу «National Catholic Register» кс. Фэдэрыка Ламбардзі, кіраўнік Прэс-службы Апостальскай Сталіцы.

8 кастрычніка Святы Айцец Бэнэдыкт XVI выдаў два Апостальскія лісты, прысвечаныя новым дактарам Касцёла — св. Хільдэгардзе з Бінгена і св. Яну Авільскаму. У першым дакуменце Папа падкрэсліў незвычайную гармонію св. Хільдэгарды, з якой святая спалучала навучанне Касцёла са штодзённым жыццём, інтэлектуальныя якасці са здольнасцю пранікнуць у містычную рэальнасць.

Змест постсінадальнай Апостальскай адгартацыі «Касцёл на Блізкім Усходзе» («Ecclesia in Medio Oriente») стаў вядомы толькі 14 верасня — пасля яе падпісання Святым Айцом Бэнэдыктам XVI у Ліване. Адгартацыя з’яўляецца вынікам спецыяльнага Сіноду Біскупаў для Блізкага Усходу, які прайшоў у Ватыкане ў кастрычніку 2010 г. Дакумент быў апублікаваны на італьянскай, французскай, іспанскай, партугальскай, нямецкай, польскай і арабскай мовах.

Падчас падарожжа ў Ліван, якое адбудзецца ў верасні, Святы Айцец Бэнэдыкт XVI уручыць іерархам з Блізкага Усходу спецыяльную апостальскую адгартацыю, прысвечаную праблемам рэгіёна. Яна з’яўляецца плёнам разважанняў і дыскусій паміж удзельнікамі Сінода Біскупаў, які праходзіў 10–24 кастрычніка 2010 г. у Ватыкане.

Бэнэдыкт XVI скіраваў спачуванні сем’ям ахвяраў катастрофы бельгійскага аўтобуса ў Швейцарыі, у выніку якой загінулі 28 чалавек, у тым ліку 22 дзіця. Тэлеграму ад імя Пантыфіка скіраваў Дзяржсакратар Яго Святасці кардынал Тарчызіа Бэртонэ.

Святы Айцец Бэнэдыкт XVI скіраваў спачувальную тэлеграму на імя арцыбіскупа Верчэльскага ў сувязі з забойствам Франчэска Ламалінара, італьянскага грамадзяніна, якога ўтрымлівалі ў якасці заложніка тэрарысты ў Нігерыі.

Адным з галоўных пунктаў пастырскага візіту Святога Айца Бэнэдыкта XVI у Бенін стала перадача біскупам Афрыкі паслясінадальнай апостальскай адгартацыі «Africae munus». Дакумент быў падпісаны 19 лістапада 2011 г. у базыліцы Беззаганага Зачацця Найсвяцейшай Панны Марыі горада Уіда, а 20 лістапада перададзены біскупам кантынента.

16 мая 2011 г. у Ватыкане быў апублікаваны ліст Кангрэгацыі Веравучэння да епіскапатаў аб дзейнасці ў выпадках выкрыцця злачынстваў, звязаных з сeксуальным выкарыстаннем непаўналетніх духоўнымі асобамі.