Бэнэдыкт XVI скіраваў спачуванні сем’ям ахвяраў катастрофы бельгійскага аўтобуса ў Швейцарыі, у выніку якой загінулі 28 чалавек, у тым ліку 22 дзіця. Тэлеграму ад імя Пантыфіка скіраваў Дзяржсакратар Яго Святасці кардынал Тарчызіа Бэртонэ.

«На паведамленне аб трагічным выпадку аўтобуса ў Швейцарыі, што стаў прычынай шматлікіх ахвяраў, сярод якіх шмат дзяцей, Яго Святасць Папа Бэнэдыкт XVI малітоўна далучаецца да болю сем’яў і давярае ахвяры Божай Міласэрнасці, просячы, каб Бог прыняў іх у сваё Валадарства», — адзначаецца ў тэлеграме.