Праграма мерапрыемстваў з удзелам папы Францішка на тыдзень |
Святы Айцец
|
16.03.2013 13:15 |
У наступную суботу, 23 сакавіка, папа Францішак наведае Кастэль Гадольфа, дзе сустрэнецца з Рымскім Пантыфікам на пенсіі Бэнэдыктам XVI. Аб гэтым паінфармавала Прэс-служба Апостальскай Сталіцы, якая прадставіла таксама план іншых мерапрыемстваў з удзелам Святога Айца ў бліжэйшыя дні.
Заўтра, 17 сакавіка, у 10 гадзін па італьянскім часе Папа ўзначаліць літургію ў парафіі св. Ганны, а ў 12 гадзін — малітву «Анёл Панскі».
18 сакавіка ў 12.50 Святы Айцец прыме на аўдыенцыі Прэзідэнта Аргенціны Крыстыну Фернандэс дэ Кіршнер.
19 сакавіка ў 9.30 на плошчы Св. Пятра адбудзецца святая Імша інаўгурацыі Папы. Пасля Пантыфік сустрэнецца з прадстаўнікамі афіцыйных дэлегацый.
20 сакавіка ў 11 гадзін Папа прыме дэлегацыі братэрскіх Цэркваў.
22 сакавіка ў 11 гадзін Пантыфік прыме прадстаўнікоў дыпламатычнага корпусу, акрэдытаваных пры Апостальскай Сталіцы.
23 сакавіка Святы Айцец сустрэнецца з Папам на пенсіі Бэнэдыктам XVI.
24 сакавіка папа Францішак у 9.30 узначаліць працэсію і Імшу Пальмовай нядзелі на плошчы Святога Пятра, а ў 12 гадзін — малітву «Анёл Панскі». (AG)
|