Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Цэтлік [Папа Францішак]


Папа сустрэнецца з прадстаўнікамі свецкіх рухаў розных краін
2013-05-15 11:43:45

18–19 мая ў Рыме пройдзе Дзень свецкіх рухаў, новых супольнасцяў, асацыяцый і аб’яднанняў пад дэвізам «Я веру! Павяліч у нас веру». Для ўдзелу ў форуме зарэгістраваліся каля 120 тысяч чалавек са 150 рухаў з розных краін свету, у тым ліку і Беларусі. 19 мая ўдзельнікі сустрэчы збяруцца на Эўхарыстыі на плошчы Св. Пятра, якую ўзначаліць Папа.

 
Святы Айцец: будзем паважаць і любіць чалавечае жыццё
2013-05-15 10:29:20

Пра павагу і любоў да чалавечага жыцця напісаў папа Францішак у «Твітэры» 15 мая. «Гэта Бог дае жыццё. Давайце будзем паважаць і любіць чалавечае жыццё, асабліва ранімае жыццё ў мацярынскім улонні», — так гучаць словы Пантыфіка.

 
Святы Айцец пра вернасць Хрысту ў штодзённым жыцці
2013-05-14 10:48:24

Вернасць Хрысту ў паўсядзённасці — такую тэму закрануў Святы Айцец Францішак у сваім чарговым запісе ў «Твітэры» 13 мая. «Ці магу я быць верным Хрысту ў маім штодзённым жыцці? Ці здольны я паказваць сваю веру з пашанай, але таксама з адвагай?» — такія пытанні паставіў Пантыфік.

 
Святому Айцу прадстаўлены новы даведнік са статыстычнай інфармацыяй пра Касцёл
2013-05-13 10:37:31

Новы даведнік са статыстычнай інфармацыяй пра Касцёл «Annuario Pontificio» прадставілі Святому Айцу 13 мая Дзяржаўны сакратар кардынал Тарчызіо Бэртонэ і субстытут Апостальскай Сталіцы арцыбіскуп Анджэло Бэчу. Даведнік распрацавала Цэнтральная статыстычная служба Святога Пасаду.

 
Папа заклікаў маліцца за хрысціян, пакутуючых ад пераследу і насілля
2013-05-12 16:50:18

Маліцца за хрысціян, якія церпяць пераслед і насілле, заклікаў Святы Айцец Францішак у «Твітэры». «Давайце маліцца за шматлікіх хрысціян у свеце, якія ўсё яшчэ пакутуюць ад пераследу і насілля. Няхай Бог дасць ім адвагу веры», — так гучыць новы запіс у папскім профілі, які з’явіўся 12 мая.

 
Папа Францішак: новыя святыя заклікаюць нас любіць, як Езус палюбіў
2013-05-12 11:10:20

12 мая папа Францішак правёў сваю першую кананізацыю. Пантыфік абвясціў святымі 800 мучанікаў з італьянскага Атранта, якія аддалі жыццё за веру напрыканцы XV ст., а таксама дзвюх заснавальніц манаскіх супольнасцяў з Лацінскай Амерыкі: калумбійку Лаўру ад св. Кацярыны Сіенскай і мексіканку Марыю Гвадалупэ.

 
Папа Францішак: Дух Святы дапамагае бачыць у людзях братоў і сясцёр у Езусе
2013-05-11 12:36:50

11 мая папа Францішак звярнуўся да вернікаў з новым запісам у «Твітэры». «Дух Святы дапамагае нам паглядзець на іншых свежым позіркам, бачыць іх заўсёды як братоў і сясцёр у Езусе, паважаць і любіць», — так гучаць словы Пантыфіка.

 
Папа сустрэўся з Патрыярхам Тавадрасам: праз малітву і дыялог можам зрабіць крокі да еднасці
2013-05-10 11:47:45

10 мая Святы Айцец Францішак сустрэўся з Патрыярхам Копцкай Праваслаўнай Царквы Тавадрасам ІІ. Візіт іерарха адбыўся ў 40-ю гадавіну падпісання Супольнай каталіцка-копцкай дэкларацыі, якая паклала пачатак афіцыйнаму тэалагічнаму дыялогу паміж дзвюма Цэрквамі.

 
12 мая папа Францішак кананізуе 800 мучанікаў з Італіі
2013-05-10 09:46:16

12 мая на плошчы Св. Пятра ў Ватыкане папа Францішак здзейсніць кананізацыю 800 мучанікаў з Атранта (Італія), якія аддалі жыццё за веру ў канцы XV стагоддзя. Таксама Пантыфік абвесціць святымі дзвюх заснавальніц законных супольнасцяў з Лацінскай Амерыкі: калумбійку Лауру ад св. Кацярыны Сіенскай і мексіканку Марыю Гвадалупэ. Гэта першая кананізацыя, якую правядзе папа Францішак.

 
Святы Айцец выказаў спачуванні ў сувязі з трагедыямі ў Генуі і Мехіка
2013-05-10 09:16:05

Папа Францішак спачувае ў сувязі з трагедыяй, якая здарылася ў порце Генуі (Італія) 7 мая, дзе ў выніку сутыкнення кантэйнеравоза з дыспетчарскай вышкай па папярэдніх даных загінула 7 чалавек. У тэлеграме, падпісанай Дзяржсакратаром кардыналам Тарчызіо Бэртонэ, адзначаецца, што «Святы Айцец раздзяляе боль, які ахапіў увесь горад, і запэўнівае ў сваіх гарачых малітвах падтрымкі за трагічна загінуўшых».

 
Папа: Дух Святы прыносіць у нашы сэрцы давер Божай любові
2013-05-09 09:37:38

Пра значэнне Духа Святога ў жыцці хрысціян напісаў папа Францішак 9 мая ў «Твітэры». «Дух Святы прыносіць у нашы сэрцы найкаштоўнейшы дар: глыбокі давер Божай любові і міласэрнасці», — так гучыць новы запіс Пантыфіка.

 
Папа да законных сясцёр: будзьце радасныя, бо цудоўна ісці за Езусам
2013-05-08 10:57:08

8 мая папа Францішак сустрэўся з членамі Міжнароднага аб’яднання генеральных настаяцельніц, пасяджэнне якога 3–7 мая праходзіла ў Рыме. Каля 800 законных сясцёр з 75 краін размаўлялі на тэму «Служэнне ўлады паводле Евангелля».

 
Святы Айцец: сапраўднае багацце — у Езусе
2013-05-08 10:30:17

Пра тое, у чым знаходзіцца сапраўднае багацце, напісаў папа Францішак у «Твітэры» 8 мая. «Я прыйшоў, каб вы мелі жыццё, і мелі ў паўнаце, — кажа Езус. Вось дзе сапраўднае багацце, не ў матэрыяльных рэчах!» — так гучыць новы запіс Пантыфіка.

 
Прадстаўлена праграма візіту Папы ў Бразілію
2013-05-07 16:58:58

Праграма візіту Святога Айца ў Бразілію на Сусветны дзень моладзі была прадстаўлена 7 мая ў Апостальскай Сталіцы. У праграме прадугледжаны сустрэчы Папы з касцёльнымі і дзяржаўнымі ўладамі, з моладдзю, удзел у споведзі, наведванне хворых і зняволеных.

 
Пантыфік сустрэнецца з генеральнымі настаяцельніцамі з розных краін
2013-05-07 09:59:40

8 мая перад агульнай аўдыенцыяй папа Францішак сустрэнецца з больш чым 800 законнымі сёстрамі — удзельніцамі форуму генеральных настаяцельніц, які праходзіць у Рыме 3–7 мая. У форуме прымаюць удзел настаяцельніцы з 75 краін.

 
Святы Айцец: не задавальняцца пасрэднасцю ў хрысціянскім жыцці
2013-05-07 08:47:57

Не задавальняцца пасрэднасцю ў хрысціянскім жыцці заклікаў вернікаў Святы Айцец Францішак. «Не будзем задавальняцца пасрэдным хрысціянскім жыццём: будзем з рашучасцю ісці па шляху святасці», — напісаў Папа ў «Твітэры» 7 мая.

 
Папа заклікаў швейцарскіх гвардзейцаў заўсёды быць сапраўднымі хрысціянамі
2013-05-06 13:20:07

6 мая папа Францішак прыняў навабранцаў Швейцарскай гвардыі ў дзень складання імі прысягі. Пантыфік падзякаваў ім за адданае служэнне, якое назірае штодня, і нагадаў, што швейцарскія гвардзейцы падчас знаходжання ў Рыме пакліканы сведчыць веру.

 
Пантыфік сустрэўся з Прэзідэнтам Швейцарыі ў дзень складання прысягі навабранцамі Папскай гвардыі
2013-05-06 11:42:05

6 мая папа Францішак прыняў на аўдыенцыі Прэзідэнта Швейцарыі Улі Маўрэра. Палітык прыбыў у Апостальскую Сталіцу на ўрачыстасць складання навабранцамі Швейцарскай гвардыі прысягі на вернасць Пантыфіку, што адбываецца кожны год у гэты дзень.

 
Святы Айцец: сведчыць аб міласэрнасці і любові Бога
2013-05-06 11:09:11

Імкнуцца да таго, каб жыццё вернікаў было сведчаннем Божай любові, заахвоціў Святы Айцец Францішак. «Будзем прасіць Пана дапамагчы нам сведчыць аб Яго міласэрнасці і любові ў кожнай рэальнасці нашага хрысціянскага жыцця», — так гучыць новы запіс у папскім профілі ў «Твітэры», які з’явіўся 6 мая.

 
Пантыфік павіншаваў з Пасхай вернікаў, якія жывуць па юліянскім календары
2013-05-05 16:21:43

Папа Францішак павіншаваў вернікаў тых Цэркваў, якія жывуць паводле юліянскага календара, са святам Пасхі, якое яны адзначаюць сёння. Пантыфік звярнуўся да іх перад нядзельнай малітвай «Regina cаeli» на плошчы Св. Пятра 5 мая.

 

Усяго 229 матэрыялаў адзначана цэтлікам Папа Францішак.

<< Start < Previous 1 2 3 4 5 6 7 8 9 10 Next > End >>
Page 1 Of 12
Пры выкарыстанні матэрыялаў сайта спасылка на Catholic.By абавязкова.