Папа цэлебраваў Імшу для садоўнікаў і тэхнічнага персаналу Ватыкана |
Святы Айцец |
22.03.2013 17:08 |
22 сакавіка папа Францішак цэлебраваў святую Імшу для людзей «менш заўважных» у Ватыкане — садоўнікаў і тых, хто даглядае за чысцінёй на плошчах і вуліцах. Літургія прайшла ў цёплай, сямейнай атмасферы ў капліцы Дома св. Марты, дзе Пантыфік пражывае, пакуль адбываецца ўпарадкаванне яго апартаментаў у Апостальскім палацы. Як інфармуе Ватыканскае радыё, кіраўнік ватыканскай садовай службы Лучана Чэкецці распавёў, што навіну пра магчымасць удзелу ў прыватнай св. Імшы з Пантыфікам яго калегі ўспрынялі з вялікім здзіўленнем. «Многія з іх ніколі ў жыцці не прысутнічалі на св. Імшы з Папам», — сказаў ён. (AG) |