Папа перад «Анёл Панскі»: няхай Маці Божая асабліва падтрымлівае людзей, якія перажываюць цяжкасці |
Святы Айцец |
24.03.2013 18:46 |
24 сакавіка на заканчэнне літургіі Пальмовай нядзелі папа Францішак звярнуўся да вернікаў з кароткім разважаннем перад малітвай «Анёл Панскі». «Будзем прасіць заступніцтва Найсвяцейшай Панны Марыі, каб суправаджала нас у Вялікі тыдзень», — сказаў Пантыфік. «Яна, якая з верай ішла за сваім Сынам ажно на Галгофу, няхай дапамагае нам крочыць за Ім, несучы са спакоем духа і любоўю Яго крыж, каб дасягнуць радасці Уваскрасення, — адзначыў Святы Айцец. — Няхай Маці Божая Балесная асабліва падтрымлівае людзей, якія перажываюць самыя цяжкія сітуацыі». (AG) |