Прэс-служба Апостальскай Сталіцы: Папа пакінуў вязням калоніі маленькі пасхальны дар |
Святы Айцец |
29.03.2013 14:46 |
«Папа падзякаваў усім, асабліва моладзі, за ўдзел у Імшы, і заахвоціў іх не даць скрасці ў сябе надзею», — распавёў кіраўнік Прэс-службы Апостальскай Сталіцы кс. Фэдэрыка Ламбардзі пра візіт Святога Айца ў рымскую калонію для непаўналетніх, дзе ў Вялікі чацвер Пантыфік цэлебраваў Імшу Вячэры Пана. У літургіі ўдзельнічала каля 150 чалавек. Святар паведаміў, што падчас візіту Папа, акрамя таго, што абмыў маладым вязням ногі, пацалаваў іх і паціснуў ім рукі, «даючы маленькі пасхальны дар». Таксама маладыя вязні сталі першымі, каму папа Францішак асабіста ўдзяліў у сваім Пантыфікаце святую Камунію. (AG) |