Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пантыфік: «Крывадушнасць у Касцёле робіць шмат шкоды»
Слова Папы
08.06.2017 16:16

Крывадушнасць не з’яўляецца «мовай» Езуса і не павінна быць мовай хрысціяніна, крывадушнік здольны забіць супольнасць — гэтыя думкі Папа Рымскі Францішак агучыў падчас ранішняй св. Імшы ў Ватыкане 6 чэрвеня.

Іншыя выказванні Пантыфіка:

Пантыфік падкрэсліў, што хрысціянскай мовай павінна з’яўляцца праўда, і перасцярог ад спакус крывадушнасці і ліслівасці.



Папа Францішак нагадаў, што менавіта слова «крывадушнікі» Хрыстус шматразова выкарыстоўваў у адносінах да настаўнікаў закона, якія паказвалі адно, а думалі іншае.

«Крывадушнасць заўсёды звязана з ліслівасцю, з імкненнем падлізацца. Гэта перабольшванне таго, што ёсць у рэальнасці, каб выклікаць у іншым чалавеку самалюбства», — зазначыў Пантыфік.

Паводле яго слоў, Езус паказвае рэальнасць, якая з’яўляецца супрацьлегласцю крывадушнасці:

«Паколькі праўдзівая толькі рэальнасць, усё астатняе або крывадушнасць, або ідэалогія, — заўважыў Святы Айцец і нагадаў гісторыю, калі Езусу прынеслі дынар, каб яго выпрабаваць: «Аддайце цэзарава цэзару, а Божае – Богу», — адказаў тады Хрыстус.
Мова крывадушнасці з’яўляецца мовай падману, яна пачынаецца з ліслівасці, затым нішчыць асобу, імкнецца завалодаць душой і ў выніку забівае супольнасць.

«Калі ў супольнасці ёсць крывадушнікі, там існуе вялікая небяспека, — папярэдзіў Папа. — Крывадушнасць робіць так шмат шкоды ў Касцёле, бо крывадушнік — гэта заўсёды знішчальнік».

Папа Рымскі заклікаў прасіць у Бога ласку, каб не патрапіць у пастку крывадушнасці, казаць праўду, а калі ж гэта немагчыма, проста маўчаць.

(be.radiovaticana.va/cath)

 

Пры выкарыстанні матэрыялаў сайта спасылка на Catholic.By абавязкова.
  • 22.08.2017
  • 21.08.2017
  • 20.08.2017
  • 19.08.2017
  • 18.08.2017