Кіраўнік Прэс-службы Апостальскай Сталіцы кс. Фэдэрыка Ламбардзі падкрэсліў, што выбар папы Францішка з’яўляецца «абсалютна радыкальным адказам» на размовы аб уладзе ў Касцёле. «Гэта выбар адмаўлення ад улады», — сказаў прадстаўнік Святога Пасаду.

Людзі дасылаюць віншаванні папу Францішку праз інтэрнэт. Новаабраны Пантыфік яшчэ да свайго абрання меў фан-профіль на «Facebook» па-іспанску. Праз некалькі хвілін пасля абвяшчэння аб выбары кардынала Хорхе Марыа Берголіа на Пасад св. Пятра былі створаны яго фан-старонкі ў той жа сацыяльнай сетцы на некалькіх іншых мовах.

Кардынал Хорхе Марыа Берголіа, арцыбіскуп Буэнас-Айрэса (Аргенціна), нарадзіўся ў гэтым горадзе 17 снежня 1936 г. Атрымаў дыплом хіміка, але потым абраў святарства і паступіў у семінарыю Вілья Дэвота.

Habemus Papam — словы доўгачаканыя, якія завяршаюць кароткі перыяд нявызначанасці ў жыцці Касцёла, словы, якія прыносяць радасць, незалежна ад таго, хто выйдзе на балкон базылікі святога Пятра ў белым адзенні новага Папы Рымскага.

Кардынал Хорхе Марыа Берголіа — не толькі першы аргенцінец і прадстаўнік Лацінскай Амерыкі на Святым Пасадзе: ён вядомы яшчэ і як «кардынал бедных». Яго суайчыннікі падкрэсліваюць сціпласць новага Пантыфіка і яго блізкасць да людзей.

Святая Імша, якая стане інаўгурацыяй Пантыфікату папы Францішка, адбудзецца 19 сакавіка. Аб гэтым паведаміў кіраўнік Прэс-службы Апостальскай Сталіцы кс. Фэдэрыка Ламбардзі.

Папа Францішак з’яўляецца першым езуітам і першым лацінаамерыканскім Папам у гісторыі Касцёла. Яго выбар нясе ў сабе новую рэчаіснасць: прынамсі ў Цэнтральнай і Паўднёвай Амерыцы сёння жыве амаль палова ўсіх католікаў у свеце.

Новым Папам абраны кардынал Хорхе Марыа Берголіа. Яго абранне адбылося 13 сакавіка падчас вячэрняй сесіі канклаву.

Вечарам 13 сакавіка, у хуткім часе пасля свайго абрання, папа Францішак (кардынал Хорхе Марыа Берголіа) з’явіўся ў лоджыі ватыканскай базылікі, каб прывітаць вернікаў і ўдзяліць ім сваё першае Апостальскае благаслаўленне «Urbi et Orbi». Таксама Пантыфік звярнуўся да сабраных вернікаў з прамовай.