7 лістапада падчас агульнай аўдыенцыі Святы Айцец Бэнэдыкт XVI паведаміў, што па-ранейшаму з вялікай заклапочанасцю сочыць за трагічнай сітуацыяй у Сірыі, «дзе баявыя дзеянні не спыняюцца і з кожным днём колькасць ахвяр расце, што суправаджаецца невымоўнымі пакутамі шматлікіх асобаў, асабліва тых, якія былі вымушаны пакінуць свае дамы». Папа паінфармаваў таксама, што на сустрэчу з сірыйскімі хрысціянамі накіроўваецца старшыня Папскай рады «Cor Unum» кардынал Рабэр Сара.

«Сікстынская капэла — калі сузіраць яе ў малітве — становіцца больш прыгожай, больш праўдзівай; адкрывае ўсё сваё багацце», — адзначыў Святы Айцец Бэнэдыкт XVI 31 кастрычніка на заканчэнне ўрачыстых Нешпараў, якія прайшлі ў капэле ў 500-годдзе адкрыцця ў ёй фрэсак — шэдэўраў працы Мікеланджэла. Папа падкрэсліў, што «капэла, па сваёй прыродзе, з’яўляецца літургічнай прасторай».

Святы Айцец Бэнэдыкт XVI моліцца за ахвяр урагану «Sandy», які абрынуўся на ўсходняе ўзбярэжжа Злучаных Штатаў. Падчас агульнай аўдыенцыі 31 кастрычніка Папа заверыў у сваёй салідарнасці з сем’ямі загінуўшых і пацярпелымі, а таксама тымі, хто ўдзельнічае ў аднаўленні разбураных гарадоў.

Падчас пасяджэння 27 кастрычніка Святы Айцец Бэнэдыкт XVI падзякаваў удзельнікам Сіноду Біскупаў па новай евангелізацыі. Таксама Папа сказаў пра значэнне кансісторыі, якая адбудзецца 24 лістапада.

25 кастрычніка Святы Айцец Бэнэдыкт ХVI разам з удзельнікамі Сіноду Біскупаў па новай евангелізацыі прысутнічаў на прэм’еры фільма «Мастацтва і вера», ініцыятарам стварэння якога былі Ватыканскія музеі. Папа адзначыў, што твор асабліва цэнны ў кантэксце Года веры, які распачаўся ў Касцёле.

Падчас агульнай аўдыенцыі 24 кастрычніка Святы Айцец абвясціў аб скліканні кансісторыі, падчас якой надасць кардынальскую годнасць 6 іерархам. Кансісторыя стане пятай за час Пантыфікату Бэнэдыкта XVI.

Аб тым, што Касцёлу патрэбны людзі жывой і светлай веры, якія б рабілі Бога блізкім сучаснаму чалавеку, казаў Святы Айцец Бэнэдыкт XVI раніцай 20 кастрычніка, уручаючы ўзнагароду Ратцынгера дваім навукоўцам. Сёлета яе атрымалі амерыканскі езуіт тэолаг а. Брайан Дэйлі і французскі філосаф і гісторык прафесар Рэмі Браг.

9 лістапада Святы Айцец Бэнэдыкт ХVI прыме на аўдыенцыі дэлегацыю «Інтэрполу», міжнароднай арганізацыі крымінальнай паліцыі, асноўная задача якой — змаганне з арганізаванай злачыннасцю на сусветным узроўні. Больш за 800 прадстаўнікоў гэтай арганізацыі, у тым ліку міністры ўнутраных спраў і юстыцыі краін-членаў, 5–8 лістапада будуць прымаць удзел у Генеральнай асамблеі арганізацыі, якая пройдзе ў Рыме.

У чэрвені 2013 г. Святы Айцец Бэнэдыкт ХVI збярэ ў Ватыкане ўсіх Апостальскіх Hунцыяў, каб паразважаць над значэннем ролі і функцыі дыпламатычных прадстаўнікоў Апостальскай Сталіцы.

16 кастрычніка Святы Айцец Бэнэдыкт XVI сустрэўся са старшынёй Аддзела знешніх царкоўных сувязяў Маскоўскага Патрыярхату Мітрапалітам Валакаламскім Іларыёнам. Сустрэча адбылася пасля пасяджэння Сіноду Біскупаў, на якім Мітрапаліт Іларыён выступіў з прамовай.

15 кастрычніка ўдзельнікі Сіноду Біскупаў па новай евангелізацыі прысутнічалі на прэм’еры фільма «Званы Еўропы», прысвечанага адносінам паміж хрысціянамі, еўрапейскай культуры і будучыні кантынента. Фільм заснаваны на інтэрв’ю з некалькімі лідарамі хрысціянскіх канфесій, у тым ліку з Бэнэдыктам ХVI.

Падчас сённяшняй малітвы «Анёл Панскі» папа Бэнэдыкт XVI прывітаў удзельнікаў «Папскага дня» ў Польшчы, які праходзіць пад дэвізам «Ян Павел ІІ — Папа сям’і». «Дзякую вам за гэты выраз лучнасці з Апостальскай Сталіцай, за вашыя малітвы і падтрымку маладых стыпендыятаў фонда „Справа новага тысячагоддзя“», — сказаў Пантыфік, звяртаючыся да польскіх вернікаў.

Вячэрняя сустрэча папы Бэнэдыкта XVI з вернікамі, якая адбылася 11 кастрычніка і нагадвала пра адкрыццё Другога Ватыканскага Сабору і малітву на плошчы св. Пятра, стала тэмай штотыднёвага фельетона старшыні Прэс-службы Апостальскай Сталіцы кс. Фэдэрыка Ламбардзі. Святар адзначыў, што Год веры будзе «поўным прастаты зваротам да Бога».

Хрысціянства заўсёды маладое, бо Хрыстус ёсць учора, сёння і назаўсёды. На гэта звярнуў увагу Святы Айцец Бэнэдыкт XVI у звароце да ўдзельнікаў Другога Ватыканскага Сабору і старшыняў епіскапатаў з розных краін свету. З імі Папа сустрэўся 12 кастрычніка ў Клеменційскай зале Апостальскага палаца.

Вечарам 11 кастрычніка, у дзень, калі пачаўся Год веры, Святы Айцец яшчэ раз сустрэўся з вернікамі на малітоўным чуванні з паходнямі. Гэтая сустрэча была арганізавана Італьянскай Каталіцкай Акцыяй у супрацоўніцтве з дыяцэзіяй Рыма і ўзгадвала чуванне, якое адбылося 50 гадоў таму ў Рыме з удзелам 11 тысяч чалавек.

Перад сённяшняй агульнай аўдыенцыяй Святы Айцец Бэнэдыкт XVI благаславіў адарацыйны алтар «Зорка Казахстана», які будзе перададзены ў вёску Азёрнае ў казахстанскі санктуарый Маці Божай Каралевы Міру. Алтар выкананы ў межах праекту Таварыства «Каралева міру» (Communità Regina della Pace), мэта якога — заснаваць ва ўсім свеце 12 месцаў пастаяннай адарацыі Найсвяцейшага Сакрамэнту ў інтэнцыі міру.

З 10 кастрычніка 2012 г. падчас агульных аўдыенцый Святога Айца кароткі змест папскай катэхезы будзе агучвацца таксама і на арабскай мове. Да сённяшняга дня ўступныя ўрыўкі з Пісання і прывітанні да пілігрымаў гучалі на англійскай, французскай, нямецкай, італьянскай, іспанскай, партугальскай і польскай мовах.

8 кастрычніка ў першай палове дня Святы Айцец Бэнэдыкт ХVI прыняў удзел у працы Сіноду Біскупаў па новай евангелізацыі, які праходзіць у Ватыкане. У разважанні Папа звярнуў увагу, што евангелізацыя пачынаецца з усведамлення таго, што Бог дзейнічае ў Касцёле, а Касцёл абвяшчае Хрыста свету.

На заканчэнне агульнай аўдыенцыі 3 кастрычніка папа Бэнэдыкт XVI папрасіў вернікаў аб малітве ў інтэнцыі Года веры і Сіноду Біскупаў па новай евангелізацыі. Таксама Пантыфік нагадаў, што заўтра накіроўваецца ў Ларэта і будзе пілігрымаваць шляхам бл. Яна ХХІІІ, які 50 гадоў таму маліўся ў гэтым санктуарыі перад распачаццем Другога Ватыканскага Сабору.