Папа пажадаў, каб Імша Вячэры Пана ў рымскай калоніі была вельмі простай |
Святы Айцец |
26.03.2013 19:28 |
Папа Францішак пажадаў, каб Імша Вячэры Пана, якая адбудзецца ў Вялікі чацвер, 28 сакавіка, у рымскай калоніі для непаўналетніх «Casal del Marmo», была «як мага больш простай». Разам з Пантыфікам яе будуць цэлебраваць Папскі вікарый для Рымскай дыяцэзіі кардынал Агасціна Валіні і капелан калоніі а. Гаэтана Грэка. У святой Імшы, як інфармуе Ватыканскае радыё, прымуць удзел каля 50 маладых зняволеных, сярод якіх 11 дзяўчын. Папа абмые ногі дванаццаці хлопцам розных нацыянальнасцяў і веравызнанняў. Акрамя таго, у літургіі прыме ўдзел група з 40 валанцёраў — членаў асацыяцыі, якая апякуецца зняволенымі гэтай калоніі, а таксама члены супольнасці «Аднова ў Святым Духу», якія дапамагаюць у арганізацыі нядзельных Імшаў у гэтай установе. (AG) |