Святы Айцец Францішак звярнуўся ў «Твітэры» да моладзі. «Дарагая моладзь, вучыцеся ў святога Юзафа. Ён прайшоў праз цяжкія часы, але ён заўсёды верыў, і ён ведаў, як пераадолець няшчасці», — так гучыць запіс у папскім профілі, што з’явіўся 1 мая.

Падчас жа сённяшняй агульнай аўдыенцыі Папа падкрэсліў, што св. Юзаф разам з Марыяй мелі адзіны цэнтр увагі: Езуса. Яны «суправаджалі і баранілі, з адданасцю і пяшчотнасцю, рост Сына Божага, які стаў чалавекам для нас, разважаючы над усім, што адбывалася».

«Кожны з нас, таксама і вы, моладзь, (...) павінны спытаць саміх сябе: якое месца я даю Пану? — сказаў Папа, звяртаючыся да моладзі. — Ці спыняўся, каб паразмаўляць з Ім? Ад таго часу, калі мы былі маленькімі, нашы бацькі прывучылі нас пачынаць і заканчваць дзень малітвай, для таго, каб мы навучыліся адчуваць, што сяброўства і любоў Бога нас суправаджаюць».

(AG)