Вышэйшая духоўная семінарыя ў Гродне запрашае юнакоў на рэкалекцыі паклікання да святарства. Рэкалекцыі пройдуць з 25 па 28 ліпеня. Уступны экзамен у семінарыю адбудзецца 29 ліпеня а 10-й гадзіне па адрасе: вул. Парыжскай Камуны, 1 (будынак семінарыі).

Экзамен будзе ўтрымліваць пытанні аб веры, гісторыі і жыцці Гродзенскай дыяцэзіі і Касцёла ў Беларусі.

Для абітурыентаў да 27 ліпеня ў семінарыю трэба падаць наступныя дакументы:

• пасведчанне аб хросце;
• пасведчанне аб канфірмацыі;
• пасведчанне аб катэхетычным навучанні;
• пасведчанне аб сакрамэнце шлюбу бацькоў;
• рэкамендацыйны ліст ад пробашча парафіі;
• пасведчанне аб агульнай сярэдняй адукацыі/ атэстат (вынікі тэсціравання);
• медыцынская даведка (форма 086);
• ваенны білет (пасведчанне прызыўніка);
• біяграфія (напісаная ўласнаручна);
• заява (з указаннем матывацыі паступлення ў семінарыю);
• пашпарт; копія старонкі з фотаздымкам;
• 4 каляровыя фотаздымкi (3х4) (у пінжаку, пад гальштукам).

Паводле www.wsd.grodnensis.by

(AG)