2 чэрвеня ў гродзенскай парафіі Беззаганнага Зачацця Найсвяцейшай Панны Марыі (Паўднёвы, вул. Цэнтральная, 26) адбудзецца IV Дыяцэзіяльны дзень дзіцяці. У Год малітвы, які перажывае Касцёл у Беларусі, дэвізам мерапрыемства будуць словы “З малітвай праз жыццё”.

Арганізатары лічаць сваёй мэтай дапамагчы дзецям усвядоміць, што малітва вельмі патрэбна чалавеку, без яе жыццё пустое і манатоннае, а ўсё, што чалавек робіць без малітвы, не мае сэнсу.

На сустрэчу запрашаюцца дзеці 7-14 гадоў як з усёй Гродзенскай дыяцэзіі, так і з іншых дыяцэзій Беларусі. Асаблівае запрашэнне арганізатары скіроўваюць да тых дзяцей, якія ў гэтым годзе прыступілі да Першай Камуніі, і жадаюць, каб прыезд у Гродна на сустрэчу стаў для іх падзякай за дар Эўхарыстыі. Таксама запрашаюцца дзеці, якія спяваюць у школах і парафіяльных супольнасцях, каб упрыгожыць спевам гэтае мерапрыемства, міністранты і ўсе, хто хоча лепш пазнаць Бога, паглыбіць кантакт з Ім праз малітву.

Праграма ІV Дыяцэзіяльнага дня дзіцяці

09.00 — абвяшчэнне груп. Сняданак
10.30 — урачыстае адкрыццё ІV Дыяцэзіяльнага дня дзіцяці (біскуп Гродзенскі Аляксандр Кашкевіч)
10.45 — пачатак забаўляльнай праграмы ў стылі мультфільма „Рио”
11.00 — гульні, навука танцу (дзеці і аніматары з парафіі Св. Міхала Арханёла ў Смаргоні)
12.00 — тэатральная пастаноўка (парафія Маці Божай Анёльскай, Гродна)
12.40 — канферэнцыя на тэму «Малітва ў маім жыцці» (кс. Валеры Быкоўскі, духоўны айцец Гродзенскай Вышэйшай семінарыі)
13.20 — пачатак працы творчай майстэрні і спартыўных спаборніцтваў, якія працягнуцца да 15.00.
13.30 — абед
15.00 — Вяночак да Божай Міласэрнасці (парафія Божай Міласэрнасці, Гродна)
15.15 — тэатральная пастаноўка (парафія Унебаўзяцця Найсвяцейшай Панны Марыі, Сапоцкін)
15.35 — падрыхтоўка да святой Імшы
15.50 — урачыстая Імша (узначаліць дапаможны біскуп Гродзенскай дыяцэзіі Юзаф Станеўскі)

• музычнае аздабленне — парафія Святой Сям'і, Ліда
• малітва вернікаў — парафія Св. Дyха, Гродна
• працэсія з дарамі — парафія Найсвяцейшага Адкупіцеля, Гродна
• Лiтургiя cлова — парафія Св. Вацлава, Ваўкавыск

17.15 — пачатак карнавала

• падсумаванне ІV Дыяцэзіяльнага дня дзіцяці
• Сюрпрызы ад арганізатараў
• феерверкі
• вячэра

18.20 — заканчэнне свята і ад’езд

У праграме магчымы змены.

Для ўсіх удзельнікаў прадугледжана харчаванне.

Таксама арганізатары запрашаюць да супрацоўніцтва ў падрыхтоўцы Дня дзіцяці святароў, сясцёр законных, катэхетаў, а асабліва валанцёраў з ліку моладзі, якія любяць працу з дзецьмі і маглі б прапанаваць свае ідэі і думкі для правядзення сустрэчы, каб яна магла адбыцца на высокім узроўні і застацца ў памяці дзяцей.

Арганізатары адкрыты на прапановы, звязаныя з правядзеннем сустрэчы. Дзеці могуць паказаць на ёй свае музычныя, тэатральныя, мастацкія здольнасці.

Прапанаваць свае ідэі, паведаміць аб удзеле дзяцей або аб жаданні супрацоўніцтва ў падрыхтоўцы мерапрыемства можна па тэлефонах:

+375 44 460 61 40 (Velcom)
+375 29 784 05 72 (МТС)
e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript     кс. Юрый Марціновіч, арганізатар Дыяцэзіяльнага дня дзіцяці

(AG)