У парафіі Св. Юды Тадэвуша ў Лучаі (Пастаўскі раён) 17 мая пройдзе фэст з нагоды ўспаміну св. Андрэя Баболі. Парафія кожны год ладзіць фэст у гонар святога мучаніка.

Андрэй Баболя – святар, прапаведнік, які евангелізаваў на Палессі. З'яўляецца апекуном Беларусі. Ён скончыў жыццё ў муках, але не адрокся ад сваёй ідэі еднасці хрысціян. За свае перакананні быў забіты ў Янаве Палескім (зараз Іванава Брэсцкай вобласці).

Сёлетні фэст у Лучаі пройдзе ў інтэнцыі малітвы за Беларусь. Да ўдзелу запрошаны гурт "Laudans", клуб "Жаночы час" і іншыя госці.

Запрашаюцца таксама ўсе жадаючыя. Свята пачнецца ў 15.00.

(AG)