25 мая пасля Імшы на 12.00 у мінскай парафіі Св. Яна Евангеліста і Максіміліяна Марыі Кольбэ (Кунцаўшчына) адбудзецца семінар на тэму «Адказнасць: міфы і рэальнасць».

Разам з вядучымі - псіхолагам-кансультантам Наталляй Станкевіч і доктарам маральнай тэалогіі а. Аляксандрам Уласам OFMConv – удзельнікі змогуць шукаць адказы на такія і іншыя пытанні:

• Як выхаваць па-сапраўднаму адказных дзяцей?
• Чаму дарослыя дзеці застаюцца «на шыі» ў бацькоў і не жадаюць будаваць сваё жыццё?
• Адкуль з'яўляюцца інтэрнэтаманіі, алкагалізм, сексуальныя і іншыя залежнасці, і што рабіць, каб абараніць сябе ад іх уплыву і дапамагчы пакутуючаму ад іх?
• Што такое сапраўднае сяброўства?
• Якая сувязь паміж адказнасцю і духоўным узрастаннем?

На семінар запрашаюцца ўсе жадаючыя.

Для тых, хто не можа наведаць семінар, будзе праводзіцца онлайн-трансляцыя.

Паводле jan.by

(AG)