Пакліканне да святарства будзе заўсёды несці ў сабе элементы вялікай таямніцы і асабістага дару. Гэта дар, які атрымліваем не таму, што мы лепшыя, але таму, што нас выбірае Бог. Шляхі і моманты адкрыцця паклікання да святарства розныя, але ніколі не пазбаўлены Божай ласкі. Таму, каб добра распазнаць сваё пакліканне, трэба шмат малітвы.

Усіх, хто адкрывае ў сабе голас Божага паклікання да святарства, запрашаюць, каб паглыбіць гэтае распазнаванне падчас рэкалекцый (24-27 ліпеня 2014) у Дыяцэзіяльную вышэйшую семінарыю ў Гродне.

Уступны экзамен, які папярэднічае прыняццю ў склад навучэнцаў семінарыі, адбудзецца 28 ліпеня 2014 г. у 10.00 у будынку семінарыі. Экзамен датычыцца пытанняў на веданне асноў веры, гісторыі і жыцця Гродзенскай дыяцэзіі і Касцёла на Беларусі.

Да 26 ліпеня 2014 г. у семінарыю трэба падаць неабходныя для паступлення дакументы:

• пасведчанне аб святым хросце;
• пасведчанне аб канфірмацыі;
• пасведчанне аб катэхетычным навучанні;
• пасведчанне аб сакраманце сужэнства бацькоў;
• рэкамендацыйны ліст ад пробашча парафіі;
• пасведчанне аб агульнай сярэдняй адукацыі/ атэстат (вынікі тэсціравання);
• медыцынская даведка (форма 086);
• ваенны білет (пасведчанне прызыўніка);
• біяграфія (напісаная ўласнаручна);
• заява (з указаннем матывацыі паступлення ў семінарыю);
• пашпарт; копія старонкі з фотаздымкам;
• 4 каляровыя фотаздымкi (3х4) (у пінжаку, пад гальштукам).