Парафія ў Лучаі запрашае на валанцёрскі летнік |
Анонсы
|
11.08.2014 12:17 |
З 20 па 30 жніўня 2014 г. усе жадаючыя запрашаюцца на валанцёрскі летнік, які адбудзецца ў Лучаі (Віцебская дыяцэзія, Пастаўскі дэканат). “Вас чакае святыня неверагоднай прыгажосці - Лучай! Каб гэтыя мясціны заквітнелі яшчэ больш, нам патрэбныя вы і вашыя працавітыя рукі. Не ўпускайце магчымасць надзвычай цікава і плённа правесці апошнія летнія дні ў чароўным азёрным краі”, - запрашаюць прадстаўнікі парафіі.
Валанцёрскія працы падчас летніку будуць скіраваны на:
- дапамогу па добраўпарадкаванні прыкасцёльнай тэрыторыі; - інвентарызацыю (апісанне) лучайскіх каталіцкіх могілак; - прыборкі на тэрыторыі могілак; - збор успамінаў сярод жыхароў вёскі.
Працоўны час - 7-8 гадзін з перапынкам на абед. Нядзеля - выходны дзень. Пражыванне ў будынку былой плябаніі (ёсць электрычнасць і газавая пліта) ці ў намёце на выбар. Харчаванне: прыгатаванне ежы на вогнішчы.
Прыязджаць можна на любую колькасць дзён.
Плануецца цікавая культурная праграма. 24 жніўня вечарам пасля малітвы за студэнтаў, школьнікаў, бацькоў і настаўнікаў выступяць гурт “Рэха”, бард Аляксей Жбанаў, акардэаніст-віртуоз Дзмітрый Корсак, эстрадны артыст Мікіта Фаміных і іншыя госці.
Сайт парафіі: luchai.by (AG)
|