18 кастрычніка ў касцёле Узвышэння Святога Крыжа ў Брэсце адбудзецца малітоўная сустрэча моладзі Пінскай дыяцэзіі. Ужо на працягу многіх гадоў сустрэча праходзіць у кастрычніку перад урачыстасцю Усіх Святых, а сёлетняя сустрэча пад назвай «Духоўнае змаганне» будзе адмысловым моладзевым уступам да святкавання 100-й гадавіны нараджэння кардынала Казіміра Свёнтка.

Галоўныя мерапрыемствы з гэтай нагоды адбудуцца ў пінскім катэдральным касцёле 25 кастрычніка. Духоўную падрыхтоўку да святкавання моладзь дыяцэзіі распачне за тыдзень да гэтага — 18 кастрычніка — спецыяльным малітоўным чуваннем у Брэсце і музычным канцэртам праслаўлення Бога.

Праграма сустрэчы моладзі

10.00 — сустрэча і рэгістрацыя ўдзельнікаў
11.00 — канферэнцыя
11.45 — сустрэча ў групах
12.45 — вынікі сустрэчы ў групах
13.15 — абед
14.00 — час для «блізкіх»
14.30 — падрыхтоўка да літургіі
15.00 — Вяночак да Божай Міласэрнасці
15.30 — сустрэча ў тэматычных групах
16.30 — адарацыя/магчымасць прыступіць да сакрамэнту пакаяння
17.30 — Ружанец
18.00 — святая Імша
            перапынак на гарбату
19.30 — вечар праслаўлення/выступленне гурта «The Crossway» (Баранавічы)
20.45 — малітва на заканчэнне. Благаслаўленне.

(AG)