Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У Гомелі прэзентуюць факсіміле Тураўскага Евангелля
Анонсы
04.11.2014 11:11

10 лістапада ў актавай зале Гомельскай абласной бібліятэкі а 16-й гадзіне пройдзе прэзентацыя факсімільнага выдання Тураўскага Евангелля. Факсімільныя копіі (дакладна ўзноўленыя)  былі надрукаваны па ініцыятыве Нацыянальнай бібліятэкі Беларусі агульным накладам у 500 асобнікаў.

У прэзентацыі прымуць удзел праваслаўны епіскап Гомельскі і Жлобінскі Стэфан, дырэктар Нацыянальнай бібліятэкі Беларусі Раман Матульскі, старшы навуковы супрацоўнік Інстытута гісторыі НАН Беларусі і аўтар даследавання гісторыі Тураўскай зямлі Пётр Лысенка, кіраўнік прадстаўніцтва кампаніі Xerox у Беларусі Аляксандр Швец.


Падчас прэзентацыі адбудзецца цырымонія дарэння ўнікальнага выдання бібліятэкам і музеям Гомельскай вобласці.

Тураўскае Евангелле — найстаражытнейшы помнік кніжнай культуры, створаны на тэрыторыі Беларусі. Евангелле ілюструе старажытнаславянскае пісьменства XI стагоддзя. Рукапіс быў знойдзены ў 1865 годзе ў Тураве і з тых часоў захоўваецца ў бібліятэцы Акадэміі навук Літвы імя Урублеўскіх. Рукапіс уяўляе сабой Евангелле з дадатковымі запісамі, два з якіх былі зроблены ў пачатку XVI стагоддзя ад імя князёў Астрожскіх.

Перавыданне Тураўскага Евангелля стала працягам доўгатэрміновага праекта кампаніі Xerox і Нацыянальнай бібліятэкі Беларусі па ўзнаўленні беларускіх помнікаў пісьменства і азнаямленні з імі шырокай грамадскасці.

Паводле katolik-gomel.by

(IL)

 

Пры выкарыстанні матэрыялаў сайта спасылка на Catholic.By абавязкова.