20 лістапада, у дзень 25-годдзя падпісання «Канвенцыі ААН па правах дзіцяці», у Мінску пройдзе інтэрактыўная вучэбная экскурсія на трамваі «Я маю права!» для школьнікаў 6-9 класаў.

Арганізатарамі мерапрыемства выступаюць рэлігійная місія «БКА Карытас» сумесна з прадстаўнікамі гарадскога грамадскага аб’яднання па папярэджанні жорсткага абыходжання з дзецьмі «Дзеці — не для гвалту» і Нацыянальнага цэнтра прававой інфармацыі Беларусі.
Мэта мерапрыемства — павышэнне інфармаванасці аб правах і абавязках дзяцей у межах «Канвенцыі ААН аб правах дзіцяці».

Падчас правядзення мерапрыемства будуць створаны неабходныя і спрыяльныя ўмовы для фарміравання духоўнага, эстэтычнага і нарматыўна-прававога выхавання дзяцей.

Інтэрактыўная экскурсія пройдзе па адрасе: г. Мінск, вул. Пляханава, 28/1. Пачатак у 14.30.

Тэлефон для сувязі:
+375 (44) 791-78-87, Вольга Перадкова, спецыяліст па сувязі з грамадскасцю і СМІ рэлігійнай місіі «БКА Карытас»

Вольга Перадкова