У перыяд Божага Нараджэння Апостальскі Нунцый у Беларусі арцыбіскуп Клаўдыё Гуджэроцці ўзначаліць некаторыя набажэнствы на англійскай мове.

На гэтыя набажэнствы запрошаны асаблівым чынам прадстаўнікі дыпламатычнага корпуса, госці і студэнты з замежжа, якія святкуюць Божае Нараджэнне ў Беларусі.

Цэлебрацыі адбудуцца ў мінскім касцёле св. Сымона і св. Алены (пл. Незалежнасці, 15) у наступныя дні:

• 24 снежня ў 18.00, урачыстасць Нараджэння Пана

• 1 студзеня ў 18.00, урачыстасць Святой Багародзіцы Марыі

• 6 студзеня ў 10.00, урачыстасць Аб’яўлення Пана

У іншыя нядзелі і абавязковыя святы Імша на англійскай мове будзе цэлебравацца адным са святароў у касцёле св. Сымона і св. Алены ў Мінску ў 10.00.

(IL)