28 снежня, у свята Святой Сям’і, у парафіі Маці Божай Шкаплернай у Мядзелі будзе адзначацца 25-годдзе аднаўлення дзейнасці касцёла і парафіі пасля дзесяцігоддзяў ганенняў і пераследу.

Святую Імшу а 11-й гадзіне ў мядзельскім касцёле ўзначаліць дапаможны біскуп Мінска-Магілёўскай архідыяцэзіі Юрый Касабуцкі.

Падчас урачыстасці ўдзельнікі будуць дзякаваць Богу за дар вяртання святыні, аднаўлення дзейнасці парафіі, а таксама маліцца за ўсіх святароў, што служылі ў парафіі, а таксама за тых, дзякуючы каму касцёл нанова быў адчынены і адноўлены.

Прыняць удзел у супольным святкаванні запрашаюцца ўсе жадаючыя.

А. Павел Леліто OCD