З 20 па 22 сакавіка ў цэнтры «Карытас» Мінска-Магілёўскай архідыяцэзіі адбудуцца рэкалекцыі па аднаўленні і паглыбленні сужэнскай еднасці і любові. Арганізатарам мерапрыемства з’яўляецца рух «Сужэнскія сустрэчы». Рэкалекцыі пройдуць у в. Ляскоўка Мінскага раёна.

«Сужэнскія сустрэчы» — рэкалекцыйны рух, мэта якога ў паглыбленні шлюбных адносін і дапамозе сужэнцам у больш глыбейшым разуменні адно аднаго, а таксама асэнсаванні таямніцы шлюбу.

Рух «Сужэнскія сустрэчы» адкрыты на кожную пару, якая імкнецца, каб іх сумеснае жыццё пастаянна развівалася, і не ставіць удзельнікам фармальных абмежаванняў — на рэкалекцыі могуць прыехаць як каталіцкія, так і праваслаўныя пары, а таксама пары змешаных сужэнстваў, якія толькі распісаліся ў ЗАГСе і яшчэ не вянчаліся, сужэнствы ў паўторным шлюбе.

Рэкалекцыі распачнуцца ў пятніцу ў 18.00, а скончацца ў нядзелю каля 15.00. Арганізатары забяспечваюць начлег і пасілак. Удзел ва ўсёй праграме неабходны для абоіх сужэнцаў.

На рэкалекцыі могуць прыехаць таксама сямейныя пары, якія адчуваюць у сваіх адносінах праблемы, складанасці, і нават тыя, якія абдумваюць развод.

Праграма рэкалекцый заснавана на сучасных ведах з галіны псіхалогіі, камунікацыі і тэалогіі сям’і і складзена такім чынам, што дазваляе кожнай пары паглядзець на сваё жыццё ў духу любові. Сямейная пара зможа за час правядзення рэкалекцый аднавіць свежасць узаемных пачуццяў, абнавіць ці нанова адбудаваць сваё адзінства.

Кантактныя нумары для запісу на рэкалекцыі:

Андрэй і Іна Любецкія + 375 29 167 58 67, + 375 29 625 35 48
Іван і Алена Лубінскія +375 29 556 26 35, +375 29 140 84 56, +375 29 782 14 66

e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

(MV)