14 сакавіка ў Мінску арганізуецца сустрэча-прэзентацыя руху «Focolare» на тэму «Харызма адзінства ў сям’і і грамадстве» з нагоды сёмай гадавіны нябеснага нараджэння заснавальніцы руху К’яры Любіч.

Pух «Focolare» шырока распаўсюджаны ў Еўропе і дзейнічае на ўсіх кантынентах свету, дапамагае людзям аб’ядноўваць намаганні ў пераадоленні жыццёвых выпрабаванняў, дасягнуць узаемаразумення паміж прадстаўнікамі розных перакананняў i рэлiгiйных поглядаў.

Яго заснавальніца — К’яра Любіч — шырока прызнана ў свеце як багаслоў i ўплывовы грамадскі дзеяч. Адносна яе асобы 27 студзеня 2015 года быў распачаты працэс кананізацыі.

На сустрэчы можна будзе даведацца аб гісторыі станаўлення руху, паглядзець стужку з выступленнем К’яры Любіч пра тое, як рэалізуюцца прынцыпы адзінства ў супольнасці «Focolare», пачуць сведчанні людзей, якія працягваюць жыць паводле прынцыпаў братэрства, пакінутых К’ярай.

Тым, хто жадае прыйсцi на сустрэчу, просьба зарэгістравацца па спасылцы.

Тэлефоны для даведак:

+375 25 708 40 48 Анжэла, +375 29 274 90 16 Алена

(AG)