Парафія Св. Андрэя, апостала, у в. Нарач рыхтуецца адзначыць 500-годдзе святой Тэрэзы Авільскай, якое прыпадае на 28 сакавіка 2015 г. 28 сакавіка, у дзень нараджэння вялікай іспанскай містычкі, у нарачанскім касцёле адбудзецца святая Імша ў гонар св. Тэрэзы Авільскай з гаміліяй пра жыццё і дзейнасць рэфарматаркі Ордэна кармэлітаў.

Падрыхтоўка да гэтай урачыстасці ў парафіі пачалася ўжо ў мінулым годзе, калі для моладзі былі праведзены спецыяльныя катэхезы і дэканальны конкурс ведаў пра жыццё і навучанне святой Тэрэзы «Дастаткова толькі Бога».

Зараз у праграме падрыхтоўкі да ўрачыстасці запланаваны катэхезы і конкурс малюнкаў «Я хачу ўбачыць Бога!» для дзяцей парафіі. Для моладзі парафіі плануецца правесці конкурс біблійных ведаў, які будзе прымеркаваны да 500-годдзя з дня нараджэння святой.

Паводле naracz.na.by

(AG)