Біскуп Гродзенскі Аляксандр Кашкевіч запрашае работнікаў бальніц, паліклінік і дамоў сацыяльнай апекі Гродзенскай дыяцэзіі на дыяцэзіяльную сустрэчу работнікаў медустаноў, якая адбудзецца 11 красавіка ў касцёле Святой Сям’і ў Лідзе.

Сустрэчу арганізуе Душпастырства аховы здароўя ў г. Гродна. Пачатак у 10.00. У яе межах запланаваны канферэнцыя, святая Імша, адарацыя Найсвяцейшага Сакрамэнту, сакрамэнт пакаяння, час на знаёмства і сумесную гутарку.

Рэлігійная праблематыка сустрэчы будзе таксама звязана з тэмай «Медыцынскія і духоўныя аспекты дэпрэсіі».

Сустрэча адкрыта для ўсіх зацікаўленых.

«Няхай удзел у сустрэчы паслужыць памнажэнню клопату аб сваёй хрысціянскай фармацыі і дапаможа паспяхова рэалізаваць місію ў адносінах да людзей, якія нясуць крыж сваей хваробы і пакуты», — адзначае біскуп Аляксандр Кашкевіч і ўдзяляе арганізатарам і ўдзельнікам сустрэчы благаслаўленне.

Аб удзеле групы неабходна паведаміць да 7 красавіка па тэлефоне:

+375 29 884 54 82 (МТС); +375 29 661 14 05 (Velcom) — кс. Мікалай Ціхановіч, душпастыр Службы аховы здароўя і арганізатар сустрэчы

Праграма

10.00 — пачатак сустрэчы. Прывітанне ўдзельнікаў (кс. Мікалай Ціхановіч, душпастыр Службы аховы здароўя г. Гродна)

10.15 — медыцынскія аспекты дэпрэсіі (В. Карпюк, кандыдат медыцынскіх навук, дацэнт, заг. кафедры псіхатэрапіі і наркалогіі Гродзенскага медыцынскага ўніверсітэта)

11.30 — перапынак

12.00 — дэпрэсія як этап у працэсе росту асобы (с. Паўла Бобэр з Кангрэгацыі Сясцёр Місіянерак Святой Сям'і, магістр псіхалагічных і педагагічных навук, г. Баранавічы)

13.15 — абед

15.00 — святая Імша (цэлебруе дапаможны біскуп Мінска-Магілёўскай архідыяцэзіі Юрый Касабуцкі)

16.30 — паміж дэпрэсіяй і апантанасцю (кс. Мікалай Ціхановіч, душпастыр Службы аховы здароўя г. Гродна)

17.30 — малітва і заканчэнне сустрэчы

(AG)