17-19 красавіка ў касцёле свв. Сымона і Алены адбудзецца сімпозіум, прысвечаны памяці асобы і дзейнасці біскупа Баляслава Слосканса Адміністратара Магілёўскага і Мінскага.

З дакладамі выступяць навукоўцы і духоўныя асобы з Латвіі і Беларусі, будзе прэзентаваны дакументальны фільм «Малітва на крыжы», прысвечаны жыццю і дзейнасці біскупа Слосканса.

ПРАГРАМА СІМПОЗІУМА:

Пятніца, 17 красавіка 

Прыбыццё гасцей з розных краін

Субота, 18 красавіка

Канферэнцыя, прысвечаная біскупу Баляславу Слоскансу з Латвіі

Першая частка канферэнцыі

10.00 — Урачыстае адкрыццё:

• Мітрапаліт Мінска-Магілёўскі арцыбіскуп Тадэвуш Кандрусевіч
• Міхаіл Папкоўс, пасол Латвіі ў Беларусі
• Айцец Андрыс Краваліс, генеральны вікарый Рыжскай архідыяцэзіі, дэкан касцёла св. Магдалены ў Рызе
• Віншавальны ліст арцыбіскупа Збігнева Станкевіча, Мітрапаліта Рыжскага

10.30 — Даклады:

• Айцец Андрыс Краваліс (15-20 хв.)
  Генеральны вікарый Рыжскай архідыяцэзіі, дэкан касцёла св. Магдалены ў Рызе
  Даклад на тэму: «Духоўнае жыццё і духоўнае мучаніцтва біскупа Баляслава Слосканса і Святой Тэрэзы»

• Доктар Андрыс Марыя Еруманіс (15-20 хв.)
  Прафесар Тэалагічнай акадэміі ў Лугана (Швейцарыя)
  Даклад на тэму: «Роля біскупа Баляслава Слосканса ў сучасным свеце»

• Доктар Стэфан Ван Кальстэр (15-20 хв.)
  Фонд кафедры біскупа Слосканса (Бельгія)
  Даклад на тэму: «Вызначэнне накірунку шляхоў да кананізацыі біскупа Баляслава Слосканса»

11.30 — заканчэнне першай часткі

12.00 — урачыстая святая Імша ў інтэнцыі беатыфікацыі Слугі Божага Баляслава Слосканса, якую ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч

13.00 — абед

15.00 — другая частка дакладаў:

• Айцец Радыёніс Доля (15-20 хв.)
  вікарый Краслава (Аглонская дыяцэзія)
  Даклад на тэму: «Прыклад біскупа Баляслава Слосканса ў маім жыцці»

• Арніс Шаблеўскіс (15-20 хв.)
  журналіст і выдавец
  Даклад на тэму: «Успаміны біскупа Антонса Юста, вучня біскупа Слосканса — сведчанне пра біскупа Баляслава Слосканса»

• Ксёндз Анджэй Сцонбэр (15-20 хв.)
  доктар, прафесар Папскай акадэміі (Кракаў)
  Далад на тэму: «Працэсы беатыфікацыі і кананізацыі — працэс развіцця і іх нормы»

16.00-16.30. — перапынак на каву

• Апостальскі візітатар для грэка-католікаў Беларусі архімандрыт Сяргей Гаек (15-20 хв.)
  Даклад на тэму: «Біскуп Баляслаў Слосканс ва ўдзячнай памяці беларускіх грэка-католікаў»
  

• Яўгеній Дуткін (15-20 хв.)
  гісторык (Магілёў)
  Даклад на тэму: «Біскуп Баляслаў Слосканс — біяграфічны нарыс»

• Уладзімір Дзянісаў (15-20 хв.)
  краязнаўца, гісторык культуры (Мінск)
  Даклад на тэму: «Біскуп Баляслаў Слосканс і яго дзейнасць у Беларусі»

18.00 — другая частка канферэнцыі

• Дзідра Смільтэна,
  кінапрадзюсер — «Уводзіны ў дакументальнае кіно "Малітва на крыжы"»
  
  Прэзентацыя дакументальнага фільма «Малітва на крыжы»

19.00 — канцэрт памяці Слугі Божага біскупа Баляслава Слосканса, хор «Голас душы» (Мінск)

Нядзеля, 19 красавіка

13.00 — Імша ў інтэнцыі беатыфікацыі Слугі Божага Баляслава Слосканса ў архікатэдральным касцёле Імя Найсвяцейшай Панны Марыі, якую ўзначаліць дапаможны біскуп Мінска-Магілёўскай архідыяцэзіі Юрый Касабуцкі

Выезд дэлегацыі з Латвіі і гасцей

Даведка:

Баляслаў Слосканс нарадзіўся ў 1893 г. у мястэчку Стэрньенэ Віцебскай губерніі (сёння — тэрыторыя Латвіі). Пасля заканчэння духоўнай семінарыі ў Санкт-Пецярбургу быў душпастырам парафій у Пецярбургу і наваколлі, а ў 1925 г. стаў пробашчам у Віцебску. У маі 1926 г. таемна атрымаў біскупскае пасвячэнне з рук папскага пасланца ў Маскве біскупа Мішэля Дарбіньі і прызначаны Апостальскім адміністратарам Магілёўскай Мітраполіі. У верасні 1927 г. у Магілёве быў арыштаваны, абвінавачаны ў шпіянажы і асуджаны на 3 гады ў Салавецкі канцлагер для святароў. Вызвалены ў верасні 1930 г., вярнуўся ў пачатку лістапада ў Магілёў, але праз тыдзень быў зноў арыштаваны і сасланы ў Сібір, адкуль у 1933 г. быў перададзены савецкімі ўладамі ў Латвію ў абмен на асуджанага там камуніста. Пасля гэтага больш не змог вярнуцца да свайго служэння ў Беларусі, быў прызначаны Апостальскім візітатарам для католікаў-эмігрантаў з СССР візантыйскага абраду. Памёр 18 красавіка 1981 г. у Бельгіі, у 1993 г. яго цела было перанесена ў латвійскі санктуарый у Аглоне. У 2000 г. распачаўся яго беатыфікацыйны працэс. 20 снежня 2004 г. Ян Павел ІІ падпісаў дэкрэт аб гераічнасці цнотаў біскупа Баляслава Слосканса.