Па традыцыі першая нядзеля чэрвеня ў Гродзенскай дыяцэзіі адзначаецца як Дзень бацькі. У гэты дзень усіх вернікаў заахвочваюць да малітвы ў інтэнцыі бацькаў сем’яў. Адна з формаў выразу малітоўнай памяці пра бацькаў – пешая пілігрымка з Гродна ў санктуарый Маці Божай Яснагорскай на Узгорку надзеі ў Капцёўцы. Да ўдзелу ў пілігрымцы запрашаюцца асабліва бацькі сем’яў, іх жонкі і дзеці.

7 чэрвеня галоўныя ўрачыстасці Дня бацькі адбудуцца ў санктуарыi Маці Божай Яснагорскай на Узгорку надзеі ў Капцёўцы. У гэты дзень з Гродна ў Капцёўку вырушыць пілігрымка, у якую асабліва запрашаюцца бацькі сем’яў.

Праграма дыяцэзіяльнага Дня бацькі:

• 07.00 – святая Імша на распачацце пілігрымкі ў гродзенскім касцёле Маці Божай Анёльскай (францішканскі)
• 08.00 – выхад пілігрымаў
• 12.00 – вітанне пілігрымаў кусташам санктуарыя на Узгорку надзеі ў Капцёўцы
• 12.00-13.00 – адпачынак і гарбата
• 13.00 – Вяночак да Божай Міласэрнасці
• 13.15 – канферэнцыя
• 14.00 – Крыжовы шлях
• 15.00 – святая Імша
• 16.30 – ад’езд аўтобусамі ў Гродна

У пілігрымку і на ўрачыстасці ўсіх сардэчна запрашае кусташ санктуарыя ў Капцёўцы кс. Міхал Ластоўскі.

(JM)