23 мая ў парафіі Унебаўзяцця Панны Марыі ў Дзятлаве адбудзецца свята, прысвечанае Марыі Успамозе Хрысціянаў, якое з'яўляецца чарговым этапам у святкаванні юбілею 200-годдзя нараджэння св. Яна Боско.

Адным з шаноўных гасцей урачыстасці будзе дапаможны біскуп Гродзенскай дыяцэзіі Юзаф Станеўскі, а таксама Рэгіянальны настаяцель Каталіцкай Місіі «Таварыства св. Францішка Сальскага» кс. Віктар Гайдукевіч SDB. Падчас свята будзе асвечана памятная стэлла з фігурай Маці Божай, а таксама будзе арганізаваны канцэрт гурта «Небасхіл» на галоўнай плошчы горада.

Расклад сустрэчы:

23 мая, субота

• 10.00 — Рэгістрацыя ўдзельнікаў
• 11.00 — Эўхарыстыя, якую ўзначаліць біскуп Юзаф Станеўскі
• 12.20 — Урачыстая працэсія з фігурай Марыі Успамогі і ўстанаўленне памятнай стэлы
• 13.00 — Супольны абед
• 14.00 — Канцэрт у гонар Марыі Успамогі Хрысціянаў
• Прадстаўленне араторыя «Дзятлава»
• Прадстаўленне араторыя «Бараўляны»
• Прадстаўленне араторыя «Мінск»
• Прадстаўленне араторыя «Смаргонь»
• Музычнае суправаджэнне гурта «Небасхіл»
• 16.00 — Падвядзенне вынікаў конкурсу «Верш для Дона Боско» і ўручэнне ўзнагарод пераможцам.
• 16.15 — Заключнае слова Рэгіянальнага настаяцеля Каталіцкай Місіі «Таварыства св. Францішка Сальскага» кс. Віктара Гайдукевіча SDB з благаслаўленнем Марыі Успамогі Хрысціянаў

Паводле sdb.by