17–21 жніўня ў кляштары сясцёр місіянерак Святой Сям’і ў Баранавічах (пр-т Савецкі, 18) пройдуць фотарэкалекцыі.

Праз практычныя заняткі на працягу пяці дзён удзельнікі змогуць знайсці адказы на пытанні: ці можна фатаграфаваць, калі молішся; ці можна маліцца, калі фатаграфуеш; як можна маліцца сваімі фатаграфіямі. Дадзеныя рэкалекцыі аб’ядноўваюць штодзённую малітву Словам Божым і працэс фатаграфавання.

Мэта гэтых рэкалекцый — дапамагчы ўбачыць, як можна знайсці Бога ва ўсіх рэчах, і паглыбіць сваю малітоўную практыку. Таксама ўдзельнікі змогуць даведацца на асабістым вопыце, як фатаграфія можа стаць Божым дарам для таго, каб маліцца і ўсведамляць блізкасць Бога ў сабе і навакольным свеце.


Кожны дзень рэкалекцый уключае:

• малітоўнае чытанне Слова Божага (lectio divina)
• індывідуальную і сумесную малітву
• фатаграфаванне
• святую Імшу
• сумесны прагляд фатаграфій і магчымасць індывідуальнай размовы са святаром.

Умовы:

• Рэкалекцыі патрабуюць здольнасці прабывання ў цішыні і маўчання ўвесь час па-за групавымі заняткамі.
• Кожны ўдзельнік павінен мець з сабой лічбавы фотаапарат (можна фатаграфаваць на мабільны тэлефон).
• Прымаюцца ўдзельнікі любога ўзроўню ўмення фатаграфаваць.
• Дадзеныя рэкалекцыі не з’яўляюцца майстар-класам па фатаграфіі або навучаннем, як палепшыць свае фатаграфіі (нават калі яны дапамогуць удзельнікам дасягнуць і такіх мэтаў).

Запіс на рэкалекцыі:  

с. Вікторыя +375 29 205 20 67
Яна Роўда +375 29 767 73 75
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript ,
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

(AG)