13 чэрвеня ў Оршы адбудзецца чарговая сустрэча “Вінаградніку”. Тэма – “Першынство для Бога”.

“Магчыма, для некага гэтая тэма і банальная, і вядомая, але веру, што менавіта яна павінна прагучаць на чарговым “Вінаградніку”, - адзначае а. Аляксандр Жарнасек МІС. - Першынство для Бога - гэта не элемент пабожнасці. Мы можам думаць, што калі я веруючы, не раблю цяжкіх грахоў і шмат малюся, то аўтаматычна даў першае месца Богу. Але гэта не так. Калі я баюся, што магу не справіцца, калі перажываю, што не кантралюю сітуацыі, калі не магу прымірыцца з тым, што ёсць у маім жыцці пытанні, на якія пакуль што няма адказу, а можа, і не будзе ўвогуле - калі ўсё гэта ёсць, то я яшчэ не даў першынство Богу.
 
Я перакананы, што большасць нашых праблем не ад таго, што нас сустракаюць цяжкія сітуацыі, а ад таго, што мы спадзяемся на свае сілы і не даем першага месца Богу. Яскравым біблейскім прыкладам для нашай тэмы з’яўляецца хаджэнне Пятра па вадзе. Пётр здольны стаяць на вадзе роўна столькі, колькі здольны глядзець на Езуса, а не на ваду і ветры”.
 
Айцец Аляксандр Жарнасек сардэчна запрашае на сустрэчу “Вінаградніку” ўсіх жадаючых.

Для людзей здалёк ёсць магчымасць начлегу.

Запіс для ўсіх абавязковы і трывае да 11 чэрвеня. Тэлефон для запісу:

+375 29 500 40 88+375 29 500 40 88 (МТС)

Праграма

9.00 – сняданак
10.00 – ранішняя малітва
10.30 – канферэнцыя І
11.30 – канферэнцыя ІІ
12.45 – абед, вольны час
13.30 – адарацыя, споведзь, размовы
16.30 – святая Імша
17.30 – вячэра
18.30-21.00 – малітва благаслаўлення

(AG)