Школа сямейнага жыцця Мінска-Магілёўскай архідыяцэзіі ў Мінску аб’яўляе набор слухачоў на 2015/2016 гг. Жадаючыя могуць атрымаць падрабязную інфармацыю, а таксама запісацца па тэлефоне:

++375447594525, +375295761271 а. Сяргей Трысцень OCD

Запіс па тэлефоне можна здзяйсняць да 31 жніўня штодзённа з 9.00 да 15.00.

Неабходныя дакументы:

• просьба аб прыняцці
• біяграфія
• рэкамендацыя пробашча
• 2 фатаграфіі
• ксеракопія пасведчання аб заканчэнні школы
• ксеракопія пашпарта

Задачы і мэты Школы сямейнага жыцця:

1. Мэтай курсу з’яўляецца падрыхтоўка кваліфікаваных кадраў для працы ў сямейных кансультацыях.
2. Працаўнікі сямейных кансультацый павінны ўмець падтрымліваць і дапамагаць праблемным сем’ям з наступнымі цяжкасцямі: алкагалізм, дзеці з адхіленнямі, сем’і ў крызісе, пагроза разводу, самотнае мацярынства і г.д. З гэтай мэтай праграма курсу ўключае шмат прадметаў з галіны псіхалогіі і практычныя заняткі.
3. Асобы, якія працуюць у кансультацыях, таксама павінны быць веруючымі католікамі, таму ў праграме прысутнічаюць фундаментальныя тэалагічныя і этычныя прадметы.
4. Курс у Мінску не будзе абмежаваны толькі католікамі, але будзе мець экуменічны характар, таму ў ім змогуць прыняць удзел прадстаўнікі розных канфесій, а таксама няверуючыя, зацікаўленыя дабром сям’і.
5. Дадаткова курс забяспечвае атрыманне грунтоўных ведаў на тэму натуральных метадаў распазнавання плоднасці.
6. Курс працягваецца 3 гады. Лекцыі будуць праходзіць 1 раз у месяц (увечары ў пятніцу, увесь дзень суботы і ў нядзелю да абеду). На працягу года будзе 8 з’ездаў (кастрычнік-май). Цалкам курс ахоплівае 432 гадзіны.
7. Заканчэнне курсу будзе для католікаў падставай атрымання кананічнай місіі для працы з сем’ямі ў каталіцкіх сямейных кансультацыях.

Рада па справах сям’і пры ККББ