Айцы кармэліты босыя запрашаюць у Гудагай на ўрачыстасці ў гонар Маці Божай Шкаплернай, якія ў гэтым годзе адбудуцца 18-19 ліпеня.

На працягу больш як 250 гадоў маленькі касцёл у Гудагаі быў сведкам шматлікіх цудаў, але вернікі прыбываюць сюды не толькі дзеля асаблівых ласкаў аздараўлення. Тут знаходзяць прыстанішча і асалоду тыя, хто хоча пакланіцца Найсвяцейшай Маці і ў цішыні малітвы паразмаўляць з Богам. Іншыя, зачараваныя прыгажосцю мясцовай прыроды, шукаюць адпачынку ад штодзённасці, каб аднавіць свае жыццёвыя сілы.

Праграма:

18-19 ліпеня

• 18.00 — святая Імша і заканчэнне Навэнны да Маці Божай Шкаплернай. Юбілей 25-годдзя святарства а. Бернарда Радзіка OCD i а. Паўла Леліто OCD
• 20.00 — Крыжовы шлях на Кальварыі
• 23.15 — Нешпары
• 24.00 — працэсія са свечкамі, пасля яе — святая Імша, начное чуванне і адарацыя Найсвяцейшага Сакрамэнту
  
• 08.30 — Гадзінкі
• 09.30 — святая Імша на польскай мове
• 11.00 — канцэртная праграма
• 12.00 — урачыстая святая Імша

(AYU)