Рух “Focolare” шчыра запрашае ўсiх жадаючых на рэкалекцыі “Mariapoli 2015”, прысвечаныя тэме “Наш Пан Хлеб Нябесны - мiж намi жыве”. Рэкалекцыі пройдуць 23-26 лiпеня ў доме айцоў вербiстаў у Баранавiчах (вул. Шаўчэнкi, 6).

“Mariapoli” - гэта найбольш характэрныя для руху “Focolare” сустрэчы: маладыя і сталыя людзі самага рознага паходжання збіраюцца разам на некалькі дзён, каб прыняць удзел у эксперыменце жыцця ў братэрстве, у святле ўніверсальных каштоўнасцяў Евангелля.

Гэты эксперымент ажыццяўляецца ў многіх краінах свету і мае ў аснове «залатое правіла», якое сцвярджае: «стаўся да людзей так, як хочаш, каб яны ставіліся да цябе». Гэта некалькі дзён, калі можна паспрабаваць жыць згодна з «залатым правілам» у штодзенным жыцці, калі ў аснову любых адносінаў пакладзена жаданне слухаць, бескарыснасць і ўзаемны дар.

Рэгiстрацыя на сайце focolare.by,
даведкi па тэлефоне +375 25 708 40 48+375 25 708 40 48 Анжалiка.

(AG)