11 верасня ў Вышэйшай духоўнай семінарыі ў Гродне адбудзецца ўрачыстасць, прысвечаная 25-годдзю існавання семінарыі, і інаўгурацыя 26-га навучальнага года. Выкладчыкі і навучэнцы сардэчна запрашаюць на святкаванне.

Праграма:
 9.30 — урачыстая святая Імша ў семінарыйнай капліцы

11.30 — праграма ў зале імя св. Яна Паўла ІІ:

• «Bogurodzica» — агульны спеў
• прывітальнае слова біскупа Гродзенскага Аляксандра Кашкевіча
• кароткі даклад кс. прэфекта Віталія Сідоркі аб дзейнасці семінарыі за 25 гадоў існавання
• інаўгурацыйная лекцыя на тэму «Каталіцкі Касцёл у сацыякультурным жыцці Гродзеншчыны» (доктар гістарычных навук Эдмунд Ярмусік)
• музычная хвіліна   
• залічэнне не першы курс семінарыстаў-пачаткоўцаў
• слова рэктара кс. д-ра Рамана Рачко
• уручэнне «кнігі памяці» і дыпломаў сябрам і дабрадзеям семінарыі
• заключнае слова дапаможнага біскупа Гродзенскай дыяцэзіі Юзафа Станеўскага

«Мы будзем вельмі рады сустрэцца ў вызначаны час і падзякаваць Богу за дар існавання нашай Alma Mater, — адзначае рэктар семінарыі кс. д-р Раман Рачко. — Выказваем падзяку за ўсе знакі дабрыні, накіраваныя на адрас семінарыйнай супольнасці. Спадзяёмся на сустрэчу ў сэрцы Гродзенскай дыяцэзіі, аддаючы Богу ў малітве ўсіх нашых сяброў і дабрадзеяў».

(AG)