17 кастрычніка ў парафіі Святой Сям’і ў Лідзе адбудзецца дыяцэзіяльная сустрэча сем’яў. Запрашаюцца ўсе сем’і Гродзенскай дыяцэзіі, асабліва тыя, якія ў гэтым годзе адзначаюць юбілей заключэння шлюбу, а таксама дзеці і моладзь.

Падчас сустрэчы ўдзельнікі будуць маліцца за Святога Айца Францішка, у інтэнцыі Сінода Біскупаў, пасяджэнні якога восенню гэтага года будуць прысвечаны праблемам сям’і, і ў інтэнцыі саміх сужэнстваў і сем’яў.

На наступны дзень, 18 кастрычніка, ва ўсіх касцёлах і капліцах Гродзенскай дыяцэзіі будуць маліцца за сем'і.

Аб гэтым гаворыць біскуп Гродзенскі Аляксандр Кашкевіч у сваім паведамленні.

Праграма сустрэчы сем’яў Гродзенскай дыяцэзіі

(17 кастрычніка, Ліда, парафія Святой Сям’і)

• 10.30 — рэгістрацыя груп і прывітанне
• 11.00 — канферэнцыя для бацькоў 
• анімацыйныя забавы для дзяцей
• 11.30 — перапынак на каву
• 12.00 — адарацыя Найсвяцейшага Сакрамэнту
• 13.00 — прадстаўленне, падрыхтаванае дзецьмі 
• 13.30 — сведчанні сужэнцаў 
• 14.00 — абед
• 15.00 — святая Імша з аднаўленнем сужэнскіх абяцанняў
• Акт аддання сем’яў Маці Божай і заканчэнне

Арганізацыйныя заўвагі:

• у праграме прадугледжаны перапынак на каву ў індывідуальным парадку (каву мець з сабой у тэрмасе). Таксама для ўсіх удзельнікаў прадугледжаны сціплы абед.
• ксяндзам дэканам просьба вызначыць са свайго дэканату адну сужэнскую пару для сведчання аб перажыванні свайго паклікання ў сакрамэнтальным сужэнскім саюзе. Адпаведныя звесткі пра гэтыя сужэнскія пары неабходна падаць да 13 кастрычніка (тэл. +375 29 78 40 572, e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript )
• арганізатары просяць паведаміць аб удзеле груп да 14 кастрычніка (тэл. +375 29 78 40 572,  8 015 274 00 73, e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript )

(AG)