27-28 кастрычніка ў Пінску пройдуць урачыстасці з нагоды 90-годдзя Пінскай дыяцэзіі і 145-годдзя нараджэння яе першага пастыра — Слугі Божага біскупа Зыгмунта Лазінскага.

Праграма урачыстасцяў:

27 кастрычніка:

• 17.00 — урачыстая святая Імша з асвячэннем касцёла св. Бэнэдыкта ў новым мікрараёне Пінска (вул. Я. Янiшчыц, 1Б)
  

28 кастрычніка:

• 9.00 — 10.00 — канферэнцыя, прысвечаная гісторыі Пінскай дыяцэзіі (Міждыяцэзіяльная вышэйшая духоўная семінарыя, вул. Леніна, 16)
• 10.30 — урачыстая святая Імша (катэдральны касцёл, вул. Леніна, 18)
  

Гістарычная даведка:

Пінская дыяцэзія была створана 28 кастрычніка 1925 г. апостальскай булай «Vixdum Poloniae unitas».

Першым біскупам новастворанай Пінскай дыяцэзіі быу прызначаны кс. Зыгмунт Лазінскі (нарадзіўся 5 чэрвеня 1870 года, кіраваў дыяцэзіяй 7 гадоў, памёр у 1932 годзе, пахаваны ў крыпце катэдральнага касцёла ў Пінску).

Дыяцэзія фактычна існавала да 1939 г., фармальна — да 1946 г. (гады смерці біскупа Казіміра Букрабы).

Кіравалі дыяцэзіяй біскупы Зыгмунт Лазінскі (1925-32) і Казімір Букраба (1932-46).

У 1991 годзе Пінская дыяцэзія была адноўлена ў межах Брэсцкай і Гомельскай абласцей і яе апостальскім адміністратарам быў прызначаны кс. Казімір Свёнтэк.

Пінская дыяцэзія уваходзіць у склад Мінска-Магілёўскай мітраполіі як яе суфраганія.

(JM)