21 лістапада ў катэдральным касцёле св. Францішка Ксаверыя ў Гродне біскуп Гродзенскі Аляксандр Кашкевіч удзеліць прэзбітэрскае і дыяканскае пасвячэнні выпускнікам Вышэйшай духоўнай семінарыі ў Гродне. Пачатак святой Імшы ў 12 гадзін.

Прэзбітэрскае пасвячэнне атрымае дыякан Алег Яновіч, дыяканскае – семінарысты Дзяніс Бразінскі, Андрэй Ганчар і Андрэй Скамарошка.

Дыякан Алег Яновіч нарадзіўся 20 чэрвеня 1989 г. у Астраўцы (парафія Свв. Космы і Дам'яна).

Дзяніс Бразінскі нарадзіўся 1 сакавіка 1992 г. у Смаргоні (парафія Св. Міхала Арханёлa).

Андрэй Ганчар нарадзіўся 18 верасня 1991 г. у Лідзе (парафія Узвышэння Святога Крыжа).

Андрэй Скамарошка нарадзіўся 18 ліпеня 1991 г. у Гродне (парафія Адшукання Святога Крыжа).

Перад пасвячэннем кандыдаты прымуць удзел у рэкалекцыях, якія непасрэдна падрыхтуюць іх да гэтай важнай падзеі. Рэкалекцыі пачнуцца 15 лістапада ў Карэлічах, іх правядзе а. Юрый Саковіч OSPPE. Кандыдаты да пасвячэння даручаюцца малітве вернікаў. 

Кс. Юрый Марціновіч