27 снежня, у свята Святой Сям'і, у 11.00 у магілёўскім катэдральным касцёле Унебаўзяцця Найсвяцейшай Панны Марыі і св. Станіслава распачнецца святая Імша, падчас якой адбудзецца аднаўленне сужэнскіх абяцанняў.

Як адзначае ў звароце да вернікаў Магілёўшчыны дапаможны біскуп Мінска-Магілёўскай архідыяцэзіі і біскуп вікарый для г. Магілёва і Магілёўскай вобласці Аляксандр Яшэўскі SDB, «падчас святой Імшы сужэнцы будуць мець магчымасць прайсці ва ўрачыстай працэсіі праз Святыя Дзверы і аднавіць свае сужэнскія абяцанні, складзеныя калісьці падчас сакрамэнту шлюбу».

Іерарх заахвочвае да ўдзелу асабліва тыя сямейныя пары, якія сёлета адзначаюць юбілей сумеснага жыцця, а таксама прадстаўнікоў руху «Хатні Касцёл» у Магілёве.

(IL)