Прыняць удзел ва ўрачыстай пілігрымцы сем’яў да Юбілейнай святыні, якой з’яўляецца мінскі архікатэдральны касцёл Імя Найсвяцейшай Панны Марыі, 16 студзеня запрашаюцца ўсе сем’і Мінска-Магілёўскай архідыяцэзіі.

Сем’і, якія на працягу 2015-2016 гг. святкуюць гадавіну сакрамэнту сужэнства, а таксама пяці-, дзесяці-, пятнаццаці- і г.д. гадоў сужэнскага жыцця, павінны папярэдне праінфармаваць сваіх пробашчаў.

Прысутныя на агульнай архідыяцэзіяльнай юбілейнай сустрэчы сем’яў і сужэнцаў атрымаюць благаслаўленне Мітрапаліта Мінска-Магілёўскага арцыбіскупа Тадэвуша Кандрусевіча.

Праграма:

• 10.30 — рэгістрацыя ўдзельнікаў у касцёле свв. Сымона і Алены;
• 11.00 — канферэнцыя «Праява міласэрнасці ў сужэнскім жыцці». Пілігрымка да юбілейнай святыні;
• 12.00 — святая Імша ў архікатэдральным касцёле Імя Найсвяцейшай Панны Марыі з пастырскім благаслаўленнем.

Пасля Эўхарыстыі адбудзецца дзяленне аплаткай.

Інфармацыя для пробашчаў: дадзеныя пра сужэнцаў, якія ў гэтым годзе святкуюць юбілей, дасылаць на: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

(AYU)