13-15 мая ў Баранавічах пройдзе І Кангрэс сямейных рухаў у Беларусі. Кангрэс будзе прысвечаны тэме «Прабачэнне і прымірэнне ў сям’і» і прымеркаваны да Юбілейнага Года Міласэрнасці.

Арганізатар кангрэсу — Рада па справах сям'і пры Канферэнцыі Каталіцкіх Біскупаў у Беларусі.

Як адзначыў у каментарыі журналісту Catholic.by сакратар Рады па справах сям’і пры Канферэнцыі Каталіцкіх Біскупаў у Беларусі а. Пётр Фраштэнга OCD, кангрэс аб’яднае разам прадстаўнікоў сямейных рухаў, катэхетаў і выпускнікоў Школы сямейнага жыцця з Гродна і Мінска.

Сям'я — аснова любога грамадства (ілюстрацыйнае фота)

Кангрэс пачнецца 13 мая ў 17.00. Праграма, акрамя дакладаў, уключае працу ў групах метадам «адкрытай прасторы». Вынікам працы стане дакумент, апрацаваны кіраўнікамі дыскусійных груп.

«Дакумент будзе датычыць вельмі важнай тэмы прабачэння — падмурку шчаслівай сям’і, — дадаў а. Пётр Фраштэнга. — Пытанне будзе разгледжана з пункту гледжання псіхалогіі, сацыялогіі, Бібліі і г.д.».
Паводле слоў айца кармэліта, чакаецца, што ў далейшым дакумент будзе выкарыстаны ў працы дарадчыкаў сямейнага жыцця і будзе карысны ўдзельнікам сямейных рухаў Беларусі. Кангрэсы сямейных рухаў праводзяцца ў шэрагу краін свету рэгулярна. Плануецца, што і ў Беларусі падобныя кангрэсы таксама стануць штогадовымі.

У ліку дакладчыкаў на кангрэсе выступяць Мітрапаліт Мінска-Магілёўскі арцыбіскуп Тадэвуш Кандрусевіч, рэктар семінарыі ў Пінску кс. Андрэй Рылка, псіхолаг Наталля Пан, а таксама запрошаны эксперт з Расіі ў пытаннях абароны жыцця Галіна Масленікава.

Праграма 

13 мая

• 17.00 — урачыстае адкрыццё
• 17.30 — даклад с. Барбары Сайнок «Клопат Касцёла пра сям’ю»
• 18.00 — святая Імша, якую ўзначаліць кс. маг. ліц. Андрэй Рылка
• 19.15 — вячэра
• 20.30 — прэзентацыя сямейных рухаў

14 мая

• 8.00 — сняданак
• 9.00 – 9.30 — даклад Мітрапаліта Мінска-Магілёўскага арцыбіскупа Тадэвуша Кандрусевіча  на тэму «Прабачэнне і прымірэнне — шлях да захавання сям’і»
  
• 9.45 – 10.15 — даклад кс. маг. ліц. Андрэя Рылкі на тэму «Хрысціянская антрапалогія і сучасныя канцэпцыі чалавека»
• 10.30 – 11.00 — перапынак на каву
• 11.00 – 12.00 — даклад кс. маг. ліц. Юзафа Мацёнга на тэму «Прабачэнне і прымірэнне ў Бібліі»
• 12.30 — святая Імша, якую ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч
• 13.30 — абед
• 15.00 – 15.30 — даклад псіхолага Наталлі Пан на тэму «Віна, прабачэнне, помста: погляд знутры»
• 15.45 – 16.15 — даклад Галіны Масленікавай на тэму «Прабачэнне і пакора»
• 16.30 – 17.30 — даклад др. Веславы Оклы «Крызіс і аздараўляльная моц надзеі»
• 18.00 — вячэра
• 19.00 — інтэрактыў (пытанні-адказы)
  
  

15 мая

• 7.30 — святая Імша, якую ўзначаліць біскуп Пінскі Антоні Дзям'янка
  
• 9.00 – 10.00 — сняданак
• 10.00 – 11.30 — праца ў групах
• 11.30 — падсумаванне працы ў групах, дыскусія, заканчэнне
  
• 12.30 – 13.30 — абед
  

Запісацца на І Кангрэс сямейных рухаў можна да 27 красавіка ў дыяцэзіяльных душпастыраў сем’яў або па тэлефонах:

+375 29 130 18 54 а. Пётр Фраштэнга OCD
+375 29 340 73 74 c. Барбара Сайнок
+375 29 588 42 73 Ірына Мялешка
(IL), (AYU)